8 ބޯލް ޗެމްޕިއަންޝިޕް ފަށައިފި

8 ބޯލް ޗެމްޕިއަންޝިޕް ފަށައިފިއެވެ. މޯލްޑިވްސް ޕޫލް ބިލިއާޑް އެސޯސިއޭޝަނުން ބާއްވާ މުބާރާތުގައި އަންހެން އަދި ފިރިހެން ޑިވިޝަން ހިމެނެއެވެ.

މުބާރާތުގެ ފުރަތަމަރޭ އަންހެން ޑިވިޝަންގައި ހަތަރު މެޗު ކުޅުނެވެ. ފުރަތަމަ މެޗު އައިމިނަތު ނަދާ ކާމިޔާބުކުރީ ޖަސްރާ އަހުމަދާ ވާދަކޮށް 5-0 ފްރޭމުންނެވެ. ދެވަނަ މެޗު އައިޝަތު އަލީ ކާމިޔާބުކުރީ ފާޓިމަތު ޝީއަތު ޝިހާބާ ވާދަކޮށް 5-2 ފްރޭމުންނެވެ. ތިންވަނަ މެޗު ކާމިޔާބުކުރީ އައިޝަތު ޒީނާއެވެ. އެއީ އައިމިނަތު އަޒީމާއާ ވާދަކޮށް 5-3 ފްރޭމުންނެވެ. ދީނާ އަހުމަދު ވަނީ ފުރަތަމަ މެޗުގައި އައިމިނަތު އަޒީނާ 5-0 ފްރޭމުން ބަލިކޮށްފައެވެ.

ފިރިހެން ޑިވިޝަންގެ މެޗުތަކަށް ބަލާއިރު އަލީ ފަޔާޒު ވަނީ 7-2 ފްރޭމުން ނަސްރު ފިކުރީ ބަލިކޮށްފައެވެ. ހުސެއިން ފަޔާޒު ވަނީ 7-2 ފްރޭމުން މުޙައްމަދު ޝަހުލާން ބަލިކޮށްފައެވެ. އިސްމާއީލް ސުވެއިދު ވަނީ 7-1 ފްރޭމުން މުޙައްމަދު ސާހިން ބަލިކޮށްފައެވެ. ރޭންކިންގ އެއްވަނައިގައި އޮތް ހަސަން ޝާޒް މުޙައްމަދު ފުރަތަމަ މެޗުގައި 7-4 ފްރޭމުން އިބްރާހީމް ޝަރީފް ބަލިކުރިއެވެ.

މުބާރާތުގެ ފިރިހެން ޑިވިޝަންގައި 64 ކުޅުންތެރިން އަދި އަންހެން ޑިވިޝަންގައި 15 ކުޅުންތެރިން ވާދަކުރެއެވެ. މުބާރާތް ނިމޭނީ މިމަހުގެ ނިޔަލަށެވެ.