ވޮލީބޯޅައަށް ޚާއްޞަ އެކަޑަމީއެއް މަތިވެރީގައި ފަށައިފި
16 ސެޕްޓެމްބަރު 2022 | ހުކުރު 15:33މާރންސް ސްޕޯރޓްސް އެކަޑަމީގެ ދަށުން ފުޓްބޯޅައާއި، ވޮލީގެ ތަމްރީނުތައް ކުރިއަށް ގެންދޭ
މާރންސް ވޮލީބޯޅަ އެކަޑަމީގެ ދަރިވަރުންނާއި، ކޯޗުން
ވޮލީބޯޅައަށް ޚާއްޞަ އެކަޑަމީއެއް އއ.މަތިވެރީގައި ފަށައިފިއެވެ.
މަތިވެރީ މާންސް ޖަމްއިއްޔާގެ, މާރންސް ސްޕޯރޓްސް އެކަޑަމީގެ ދަށުން ވޮލީބޯޅަ އެކަޑަމީ ފެށީ އަންހެން ކުޅުންތެރިންނަށް ޚާއްޞަކޮށްގެންނެވެ. އެކަޑަމީ ފެށީ ގްރޭޑް 7 ން މަތީގެ 20 ދަރިވަރުންނާއެކުއެވެ. އެކަޑަމީގައި ތިން ކޯޗުން މަސައްކަތްކުރެއެވެ. މިއީ ރާއްޖޭގައި ވޮލީބޯޅައަށް ޚާއްޞަކޮށްގެން ރަށެއްގައި ހިންގާ ފުރަތަމަ އެކަޑަމީއެވެ. އެކަޑަމީ ފެށުމުމުގެ ރަސްމިއްޔާތުގައި ބައިވެރިވެ, ޤައުމީ ޓީމްގެ ސެޓަރު ފާތިމަތު ޖޫޒާން ޒަރީރު ބުނީ ވޮލީބޯޅައަށް ޚާއްޞަ އެކަޑަމީއެއް ފެށުން މިއީ ވަރަށް އުއްމީދީ އުފާވެރި ފެށުމެއްކަމަށެވެ. ޅަ އުމުރުގައި ވޮލީބޯޅައިގެ ހުނަރު ދަސްކުރުމުގެ ފުރުޞަތު ލިބުމަކީ ރާއްޖޭގެ ވޮލީބޯޅައިގެ ކުރިމަގަށް ފައިދާކުރާނެކަމެއްކަން ޖޫޒާން ފާހަގަކުރިއެވެ.
މާންސް ސްޕޯރޓްސް އެކަޑަމީން އެންމެ ފުރަތަމަ ފެށީ ފުޓްބޯޅައެވެ. މިއަހަރުގެ ފެބްރުއަރީ މަހު ފުޓްބޯޅަ ފެށުމަށްފަހު, ވޮލީބޯޅަ އިތުރު ކުރީ ހޮނިހިރު ދުވަހުއެވެ. މާންސް ވޮލީބޯޅަ އެކަޑަމީ އިފްތިތާހުކޮށްދެއްވީ, އެއެކަޑަމީއަށް އެންމެ ބޮޑު އެހީތެރިކަމެއް ފޯރުކޮށްދެމުން އަންނަ އެރަށުގެ ވިޔަފާރިވެރިއެއްކަމަށްވާ ޒޯރާގެ ފައުންޑަރ އާދަމް އަރީފްއެވެ.
