ކ. މާލެ
|
1 މާރޗް 2017 | ބުދަ 12:33
ރެއާލްގެ މިޑްފިލްޑަރު އިސްކޯ
ރެއާލްގެ މިޑްފިލްޑަރު އިސްކޯ
ގޫގުލް
އިސްކޯ
އިސްކޯ ހޯދުމަށް ބާސާ އިން މަސައްކަތް ފަށައިފި
އިސްކޯ ވަނީ 2018 އާ ހަމަޔަށް ރެއާލްގައި މަޑުކުރަން އެއްބަސްވެފަ
ފަހަކަށް އައިސް އިސްކޯ އަށް ފުރަތަމަ 11 އިން ޖާގަ ލިބުން ވަނީ ދަތިވެފަ
ފެނަބާޗޭ އިން އިސްކޯ ގެންނަން ނިންމާފައިވަނީ ޖެނުއަރީ ޓްރާންސްފާގައި

ރެއާލް މެޑްރިޑަށް ކުޅެމުން އަންނަ ސްޕެއިންގެ މިޑްފިލްޑަރު އިސްކޯ ހޯދުމަށް ބާސެލޯނާ އިން މަސައްކަތް ފަށައިފި ކަމަށް ރިޕޯޓްތައް ބުނެފި އެވެ.

އިސްކޯ ހޯދުމަށް ބާސާ އިން މަސައްކަތް ފަށާފައިވާއިރު، އެ ކްލަބުން އަންނަނީ 2018 އާ ހަމަޔަށް އިސްކޯ ކްލަބާއެކު ހަދާފައިވާ އެއްބަސްވުން އާ ނުކުރުމަށް ބާރުއަޅަމުން ކަމަށް ރިޕޯޓްތައް ބުނެއެވެ.

ބާސާ އިން އިސްކޯ ހޯދުމަށް މަސައްކަތްކުރަނީ ޓޮޓެންހަމް އަދި ތުރުކީގެ ފެނަބާޗޭއިން ވެސް އޭނާ ހޯދުމަށް މަސައްކަތްކުރަމުން މަސައްކަތްކުރަމުން އަންނަ ދަނޑިވަޅެއްގަ އެވެ. އެގޮތުން އެޓީމުން އިސްކޯ ގެންނަން ނިންމާފައިވަނީ ޖެނުއަރީ ޓްރާންސްފާގައި ކަމަށްވެސް އަޑުތައް ވަނީ ފެތުރިފައެވެ.

ރެއާލްގެ ކޯޗުކަމާ ޒައިނުއްދީން ޒިދާން ހަވާލުވި ފަހުން އިސްކޯ އަށް ފުރަތަމަ 11 އިން ޖާގަ ލިބުން ވަނީ ދަތިވެފައެވެ. އެގޮތުން އެކަމާ އިސްކޯ ހިތްހަމަނުޖެހިފައިވާ ކަމަށް ވެސް ރިޕޯޓްތައް ބުނެއެވެ. މީގެ އިތުރުން މި ޖެނުއަރީ ޓްރާންސްފާގައި އިސްކޯ ރެއާލް ދޫކޮށްލާނެ ކަމަށް ވެސް މީގެ ކުރިން ވެސް ވަނީ އަޑުފެތުރިފަ އެވެ.
ދުނިޔޭގެ ނަން މަޝްހޫރު ގިނަ ކްލަބްތަކުން ވަނީ އިސްކޯ ހޯދުމަށް ޝައުގުވެރިކަން ފާޅުކޮށްފަ އެވެ. އޭގެ ތެރޭގައި ސްޕެއިންގެ ބައެއް ކްލަބްތަކުގެ އިތުރު އިޓަލީ، ޖަރުމަން އަދި އިނގިރޭސި ކްލަބްތައް ވެސް ހިމެނެއެވެ.
ވެލެންސިއާ އިން ކެރިޔަރު ފެށި އިސްކޯ ވަނީ މަލާގާ އަށް ވެސް ކުޅެފަ އެވެ. އެގޮތުން އޭނާ ވަނީ މަލާގާއާ އެކު ހޭދަކުރި ދެ ސީޒަނުގައި އެޓީމަށް ކުޅުނު 82 މެޗުގައި 17 ލަނޑު ކާމިޔާބުކޮށްފަ އެވެ. މަލާގާ ދޫކޮށްލުމަށް ފަހު އިސްކޯ ރެއާލްއާ ގުޅުނީ 2013 ވަނަ އަހަރެވެ.
އެގޮތުން އޭނާ ވަނީ އެ ކްލަބުގައި މިވީތަނަށް ހޭދަކުރި ހަތަރު ސީޒަނުގައި ކުޅުނު 174 މެޗުގައި 27 ލަނޑު ކާމިޔާބުކޮށް، ޔުއެފާ ޗެމްޕިއަންސް ލީގު ދެފަހަރު، ފީފާ ކްލަބް ވާރލްޑްކަޕް، ޔުއެފާ ސުޕާ ލީގު ދެފަހަރު އަދި ކޮޕާޑެލްރޭ ކާމިޔާބުކޮށްފަ އެވެ.
ކްލަބް ލެވެލްގައި ގިނަ ކާމިޔާބީތައް ހޯދާފައިވާ އިސްކޯ ވަނީ ސްޕެއިންގެ 21 އަހަރުން ދަށުގެ ޓީމާއެކު ޔޫރޯ ކާމިޔާބުކޮށްފަ އެވެ. މީގެ އިތުރުން އޭނާ ވަނީ 17 އަހަރުން ދަށުގެ ފީފާ ވާރލްޑްކަޕްގެ ތިންވަނަ ސްޕެއިންއާ އެކު ކާމިޔާބުކޮށްފަ އެވެ.

އެންމެ ފަހުން އަޕްޑޭޓް ކުރީ: 3 ދުވަަސް ކުރިން
ރިވިއު ކުރީ: ރާއްޖެއެމްވީ ލޯކަލް
- ކޮމެންޓް