ކ. މާލެ
|
6 ފެބްރުއަރީ 2017 | ހޯމަ 00:51
ޗެލްސީގެ ކޯޗު ކޮންޓޭ
ޗެލްސީގެ ކޯޗު ކޮންޓޭ
ގޫގުލް
އެންޓޯނިއޯ ކޮންޓޭ
ކޮންޓޭ ހޯދުމުގެ މަސައްކަތް އިންޓަމިލާނުން ފަށައިފި
 
ކުރިޔަށް އޮތް ސީޒަނުގައި އޭނާ އެ ކްލަބަށް ބަދަލުވާނެ ކަމަށް ބެލެވޭ
 
ޓްރާންސްފާގައި އިންޓަ އެންމެ ހޯދަން ބޭނުންވަނީވެސް ކޮންޓޭ
 
ކޮންޓޭ ވަނީ ޗެލްސީ އަށް މިވީތަނަށް 29 މެޗުގައި އިރުޝާދު ދީފަ

ޗެލްސީގެ ކޯޗު އެންޓޯނިއޯ ކޮންޓޭ ހޯދުމަށް އިންޓަމިލާނުން މަސައްކަތްކުރަމުން އަންނަ ކަމަށް ރިޕޯޓްތައް ބުނެފި އެވެ.

ޓުޓޯ ސްޕޯޓްސް އިން ބުނީ ޗެލްސީގެ ކޯޗު އެންޓޯނިއޯ ކޮންޓޭ އަށް އިންޓަމިލާނުން ޝައުގުވެރިވާ ކަމަށާއި، އެގޮތުން ޓްރާންސްފާގައި އެޓީމުން އެންމެ ހޯދަން ބޭނުންވަނީވެސް ކޮންޓޭ ކަމަށެވެ.

ރިޕޯޓްތައް ބުނާގޮތުން ކޮންޓޭ ހޯދުމަށް އިންޓަމިލާނުން ވަނީ އަހަރަކު 15 މިލިއަން ޔޫރޯ ދޭގޮތަށް ހުށަހެޅުމެއް ހުށަހަޅާފައެވެ. އެގޮތުން ކުރިޔަށް އޮތް ސީޒަނުގައި އޭނާ އެ ކްލަބަށް ބަދަލުވާނެ ކަމަށް ބެލެވެއެވެ.

މީގެކުރިން ޔުވަންޓަސް އަށްވެސް ކޯޗުކޮށްދީފައިވާ ކޮންޓޭ ވަނީ މި ސީޒަނުގައި ޗެލްސީގެ ކޯޗުކަމާ ހަވާލުވެ ގިނަ ކުރިއެރުންތަކެއް ހޯދާފައެވެ. އެގޮތުން އެޓީމު ވަނީ މި ސީޒަނުގައި ޕްރިމިއާ ލީގުގައި މިވީތަނަށް ކުޅުނު 24 މެޗުން 59 ޕޮއިންޓް ހަމަކޮށްފައެވެ. އެޓީމަށް ނުވަ ޕޮއިންޓްގެ ލީޑެއް ވަނީ ލިބިފައެވެ.

އިޓަލީގެ ކޯޗުކަން ދޫކޮށްލުމަށްފަހު ޗެލްސީގެ ކޯޗުކަމާ ހަވާލުވި ކޮންޓޭ ވަނީ ޗެލްސީ އަށް މިވީތަނަށް 29 މެޗުގައި އިރުޝާދު ދީފައެވެ. އޭގެ ތެރެއިން ޗެލްސީ 23 މެޗުން މޮޅުވިއިރު، ހަތަރު މެޗުން ވަނީ ބަލިވެފައެވެ. ބާކީ ދެ މެޗު ނިމުނީ އެއްވަރުވެގެންނެވެ.

އެންމެ ފަހުން އަޕްޑޭޓް ކުރީ: 19 ގަޑިއިރު ކުރި
ރިވިއު ކުރީ: ހުސެން ފިޔާޒް
0%
0%
0%
0%
0%
0%
ކޮމެންޓް