ބްރެޒިލް ޓީމުން އާސެނަލްގެ ތިން ކުޅުންތެރިން ވެސް ބާކީކޮށްފި

ވޯލްޑްކަޕަށް ތައްޔާރުވާން ކުޅޭ އެކުވެރިކަމުގެ އެންމެ ފަހު ދެ މެޗަށް ނެގި ބްރެޒިލް ޓީމުން އާސެނަލްގެ ތިން ކުޅުންތެރިން ބާކީކޮށްފި އެވެ.

އެއީ ދެ ފޯވަޑުން ކަމަށްވާ ގަބްރިއަލް ޖީސަސް އާއި ގަބްރިއަލް މާޓިނެއްލީ އާއި ޑިފެންޑަރު ގަބްރިއަލް މަގަލްހޭސް އެވެ.

ފްރާންސްގައި ގާނާ އާއި ޓިއުނީޝިޔާއާ ދެކޮޅަށް ކުޅޭ ދެ މެޗަށް ކޯޗު މާޓިނެއްލީ އިއުލާނުކުރި ސްކޮޑުން ފްރެމިއާ ލީގުގެ 11 ކުޅުންތެރިއަކަށްވަނީ ޖާގަދީފަ އެވެ. މީގެ ތެރޭގައި އާސެނަލްގެ އެއްވެސް ކުޅުންތެރިއަކު ނުހިމެނެ އެވެ. ނަމަވެސް މި ސީޒަނުގައި ރަނގަޅު ކުޅުމެއް ދައްކަމުން އަންނަ އާސެނަލް ޓީމުގައި މާޓިނެއްލީ އާއި ޖީސަސް އަންނަނީ މޮޅު ކުޅުމެއް ވެސް ދައްކަމުންނެވެ. މީގެ ތެރެއިން މާޓިނެއްލީ ޓީމަށް ނުނެގުމަކީ ވޯލްޑްކަޕް ޓީމުން އޭނާއަށް ޖާގަ ނުލިބިދާނެ ކަމުގެ ސިގްނަލެކެވެ. ސަބަބަކީ އޭނާގެ މަގާމަށް ކުޅޭނެ މޮޅު އެތައް ކުޅުންތެރިންނެއް ތިބުމެވެ.

ޓިޓޭގެ ޓީމުން އެސްޓަން ވިލާ އަށް ކުޅޭ ފިލިޕޭ ކުޓީނިއޯ އަށް ވެސް ވަނީ ޖާގަ ގެއްލިފަ އެވެ. އޭނާގެ ފޯމު މިވަގުތު ވަރަށް ދަށެވެ.

ކޯޗު ޓިޓޭ ބުނީ ކުޓީނިއޯ އާއި ޖީސަސް އަކީ މޮޅު ދެ ކުޅުންތެރިއެއް ކަމަށާއި މާޓިނެއްލީ އާއި ޑޭވިޑް ނަރޭޒް ކުރެ މީހަކު ނެގުމަކީ ނެގުމަކީ އުނދަގޫ ކަމެއް ކަމަށެވެ.

ޓިއުނީޝިޔާއާ ދެކޮޅަށް ބްރެޒިލް ނުކުންނާނީ މި މަމަހުގެ 23ގަ އެވެ. ގާނާއާ ދެކޮޅަށް ކުޅޭނީ މި މަހުގެ 27ގަ އެވެ.