އުނދަގޫ މޮޅަކާއެކު، ޕީއެސްޖީގެ މޮޅުވުމުގެ ސިލްސިލާ ކުރިއަށް!

އުނދަގޫ މޮޅަކާއެކު ޕީއެސްޖީން މޮޅުވުމުގެ ސިލްސިލާ ދަމަހައްޓައިފިއެވެ.

ލީގުގައި ކުޅުނު ހަތްވަނަ މެޗު ބްރެސްޓާ ވާދަކޮށް ޕީއެސްޖީން ކާމިޔާބުކުރީ 1-0ންނެވެ. މެޗުގެ ހަމައެކަނި ލަނޑު ޖެހީ ނޭމާއެވެ. މެޗުގައި ވިދާލީ ނޭމާއާއި މެސީއެވެ. އެމްބާއްޕޭ ފެނުނީ ފަނޑުކޮށެވެ. މިއީ ސީޒަންގައި ނޭމާގެ އަށްވަނަ ގޯލެވެ. މިސީޒަންގައި ރަނގަޅު ފޯމެއްގައިހުރި ނޭމާ ވަނީ މިހާތަނަށް ލަނޑު ޖަހަން ހަ ފުރުސަތުވެސް ފަހިކޮށްދީފައެވެ. މެޗުން ޕީއެސްޖީއަށް ޕޮއިންޓެއް ލިބުމުގައި ކީޕަރ ޑޮންނަރުމާގެ ދައުރުވެސް ބޮޑެވެ. އޭނާ ވަނީ 70 ވަނަ މިނިޓްގައި ބްރެސްޓަށް ލިބުނު ޕެނަލްޓީ ދިފާއުކޮށްފައެވެ.

މި މޮޅާއެކު ޕީއެސްޖީ އެއްވަނާގައި އޮތީ 19 ޕޮއިންޓާއެކުއެވެ. ފައިދާ 19 ގޯލް އެބައޮތެވެ. އެންމެ ކައިރިން ވާދަކުރަމުން އަންނަނީ 17 ޕޮއިންޓާއެކު ލެންސްއެވެ.