ލޯނު އެއްބަސްވުމެއްގެ ދަށުން ޑެސްޓް އޭސީ މިލާނަށް

ސްޕެއިންގެ ބާސެލޯނާއަށް ކުޅެމުން އަންނަ އެމެރިކާގެ ސާޖިއޯ ޑެސްޓް ލޯނު އެއްބަސްވުމެއްގެ ދަށުން އޭސީ މިލާނަށް ބަދަލުވާން ނިންމައިފިއެވެ.

އުމުުރުން 21 އަހަރުގެ ފުލްބެކް އޭސީ މިލާނަށް ގުޅެނީ ފަސް އަހަރު ދުވަހުގެ ލޯނު އެއްބަސްވުމެއްގެ ދަށުންނެވެ. ޑެސްޓު ހޯދުމަށް އޭސީ މިލާނުން ގާތް ގަނޑަކަށް 20 މިލިއަން ޔޫރޯ ޚަރަދުކުރާނެއެވެ. އޭސީ މިލާނާއެކު ހަދާ އެއްބަސްވުމުގެ މުއްދަތު ހަމަވުމުން އެ ޓީމުން ބޭނުންވެއްޖެ ޙާލަތެއްގައި ދާއިމީ އެއްބަސްވުމެއްގެ ދަށުން ޑެސްޓު ހޯދޭނެއެވެ.

އޭސީ މިލާނާއެކު ޑެސްޓު ހަދާ އެއްބަސްވުމުގެ މުއްދަތު ހަމަވާނީ 2027 ވަނަ އަހަރުގެ ޖޫން މަހުގެ ނިޔަލަށެވެ. އެއްބަސްވުމުގައި ސޮއިކުރުމަށް ބުރާސްފަތި ދުވަހުގެ ވަގުތެއްގައި ޑެސްޓު މިލާނޯ އަށް ދަތުރުކުރާނެ ކަމަށް ރިޕޯޓުތައް ބުނެއެވެ.

ޑެސްޓް ބާސެލޯނާއަށް ބަދަލުވީ 2020 ވަނަ އަހަރުއެވެ. ޑެސްޓު ވަނީ ބާސެލޯނާއަށް 72 މެޗު ކުޅެދީ ތިން ލަނޑު ޖަހައިދީފައެވެ. މީގެ އިތުރުން އޭނާ އަކީ އެމެރިކާގެ ޤައުމީ ޓީމުގައި ވެސް ހިމެނޭ ކުޅުންތެރިޔެކެވެ. މިހާތަނަށް ޑެސްޓު ވަނީ ޤައުމީ ޓީމަށް 17 މެޗު ކުޅެދީ ދެ ލަނޑު ޖަހައިދީފައެވެ.