އިންޑިއާއިން އަފްޣާނިސްތާނަށް ބޭނުންވާ ސިއްހީ އެހީތެރިކަން ފޯރުކޮށްދީފައިވާ ކަމަށް އެގައުމުން ބުނެފިއެވެ.
އިންޑިއާގެ މިނިސްޓްރީ އޮފް އެސްޓާނަލް އެފެއާޒްއިން ބުނީ އަފްޣާނިސްތާނުގެ އިންދިރާ ގާންދީ ހޮސްޕިޓަލަށް ބޭނުންވާ ސިއްހީ އާލާތްތައް އެ ހޮސްޕިޓަލަށް ފޯރުކޮށްދީފައިވާ ކަމަށެވެ.
އިންޑިއާއިން އަފްޣާނިސްތާނަށް ފޮނުވި ސިއްހީ އާލާތްތަކުގެ ތެރޭގައި ކޮވިޑްގެ ވެކްސިނާއި އެންޓި ޓީބީ މެޝިންއާ، ފަސްޓް އެއިޑް ކިޓް ހިމެނެއެވެ.
އިންޑިއާ ސަރުކާރުން ބުނީ، އަފްޣާނިސްތާނަކީ އަވަށްޓެރި ގައުމެއް ކަމަށާއި، އެގައުމަށް ލިބޭ ކޮންމެ ގެއްލުމެއް އިންޑިއާއަށް ލިބޭނެ ކަމަށެވެ. އެހެންކަމުން ކުރިން ޖެހިފައިވާ މައްސަލަތައް ހައްލުކޮށް ކުރިއަށްދާން ބޭނުންވާ ކަމަށެވެ.
އަފްޣާނިސްތާނުގެ ތާލިބާން ސަރުކާރުންވެސް ވަނީ އިންޑިއާއާ ގުޅުން ބަދަހި ކުރަން ބޭނުންވާކަން ހާމަކޮށްފައެވެ.
އިންޑިއާއިން ވަނީ މީގެ ކުރިންވެސް އަފްޣާނިސްތާނަށް ސިއްހީ އެހީތެރިކަން ފޯރުކޮށްދީފައެވެ. އެގޮތުން މި އަހަރުގެ ފެބްރުއަރީ މަހުގައިވެސް ސިއްހީ އެހީތެރިކަން ފޯރުކޮށްދީފައިވެއެވެ.
