ޔޫއޭއީ
ޔޫއޭއީން އަފްޣާނިސްތާނަށް ކަނޑައަޅުއްވާފައިވާ އެމްބެސެޑަރު ނިޔާވެއްޖެ
 
އެމްބެސެޑަރު ޖުމާ އަލް-ކާބީ ޒަޚަމްވީ މިދިޔަ މަހު އަފްގާނިސްތާނުގެ ކަންދަހާރު ޕްރޮވިންސްގައި ދެވުނު ހަމަލާއެއްގައި
ކ. މާލެ |
ޖެނުއަރީގައި ޖުމާ އަލް-ކާބީ އަބޫ ދާބީގެ ހޮސްޕިޓަލެއްގައި
ގޫގުލް

އަފްގާނިސްތާނުގައި މިދިޔަ މަހު ދިން ބޮމުގެ ހަމަލާއެއްގައި ޒަޚަމްވެފައިވާ ޔުނައިޓެޑް އަރަބް އެމިރޭޓްސް (ޔޫއޭއީ) އިން އަފްގާނިސްތާނަށް ކަނޑައަޅުއްވާފައިވާ އެމްބެސެޑަރު، ޒަޚަމްތަކަށް ފަރުވާ ދެމުން ދަނިކޮށް ނިޔާވެއްޖެ އެވެ.

 

އެމްބެސެޑަރު ޖުމާ އަލް-ކާބީ ޒަޚަމްވީ މިދިޔަ މަހު އަފްގާނިސްތާނުގެ ކަންދަހާރު ޕްރޮވިންސްގައި ދެވުނު ހަމަލާއެއްގައި ކަމަށްވާއިރު އެ ހަމަލާގައި ޖުމުލަ 11  މީހަކު ނިޔާވި ކަމަށެވެ. ބޮމުގެ ހަމަލާ ދެވުނީ ކަންދަހާރުގެ ގަވަރުނަރުގެ ގެސްޓްހައުސްގައެވެ

 

އެމްބެސެޑަރު ޖުމާ އަލް-ކާބީ އަވަހާރަވިއިރު އެމަނިކުފާނު ގެންދެވީ އަބޫ ދާބީގައި ޒަޚަމްތަކަށް ފަރުވާ ހޯއްދަވަމުންނެވެ. ބޮމުގެ ހަމަލާ ދިނީ ތާލިބާނުން ކަމަށް ދެކެވޭ ވާހަކަ ތާލިބާނުން ވަނީ ދޮގުކޮށްފައެވެ. ތާލިބާނުން ބުނެފައި ވަނީ ބޮމުގެ ހަމަލާ ދިނީ ކަންދަހާރުގެ "އެތެރޭގެ ދެކޮޅުވެރިކަމުގެ ކޮންމެވެސް ބައެއް ކަމަށެވެ."

 

ޔޫއޭއީގެ މިނިސްޓްރީ އޮފް ޕްރެޒިޑެންޝަލް އެފެއާޒް އިން ނެރުނު ބަޔާނެއްގައި ބުނީ ޖުމާ އަލް-ކާބީ ނިޔާވި ޚަބަރު ލިބުމުން ވަރަށް ހިތާމަ ކުރާ ކަމަށާއި ޖުމާ އަލް-ކާބީ އަކީ އިންސާނީއަތަށްޓަކައި ފުރާނަ ދޫކޮށްލެއްވި ފަރާތެއް ކަމަށެވެ.

އެންމެ ފަހުން އަޕްޑޭޓް ކުރީ: 3 މަސް ކުރިން
ރިވިއު ކުރީ: ހުސެން ފިޔާޒް
0%
އަންތަރީސް ވެއްޖެ
0%
އުފާ ވެއްޖެ
0%
ދެރަ ވެއްޖެ
0%
ރުޅި ގަދަ ވެއްޖެ
0%
މޮޔަވެއްޖެ
0%
ލިޔުން ރަނގަޅު
ކޮމެންޓް
raajjemv logo

All rights reserved