އިންޑިއާއިން ބަންގްލަދޭޝްއަށް 4.5 ބިލިއަން ޑޮލަރުގެ ކްރެޑިޓް ފެސިލިޓީއެއް ދިނުމަށް ސޮއިކޮށްފި

އުމްރާނީ ތަރައްގީއާ އިޖްތިމާއީދާއިރާ ތަރައްގީ ކުރުމަށް ބަންގްލަދޭޝްއިން އިންޑިއާއާއެކު 4.5 ބިިލިއަން އެމެރިކާ ޑޮލަރުުގެ ލައިން އޮފް ކްރެޑިޓް(އެލްއޯސީ) ފެސިލިޓީއެއްގައި ބުދަ ދުވަހު ސޮއިކޮށްފިއެވެ.

މި އެއްބަސްވުމުގައިި އިންޑިއާގެ ފަރާތުން އެ ގައުމުގެ ޔޫނިއަން ފައިނޭންސް މިނިސްޓަރ ސޮއިކުރައްވާފައިވާއިރު ބަންގްލަދޭޝްގެ ފަރާތުން ސޮއިކުރެއްވީ އެ ގައުމުގެ ފިނޭންސް މިނިސްޓަރ އޭއެމްއޭ މުހިތުއެވެ.

ކްރެޑިޓް ފެސިލީޓީގައި ބަންގްލަދޭޝްގެ ފަރާތުން އެ ގައުމުގެ އިކޮނޮމިކް ރިލޭޝަންސް ޑިވިޝަން ސެކްރެޓަރީ ކާޒީ ޝޯފިޤުލް އަޒަމް ސޮއިކުރެއްވިއިރު ބަންގްލަދޭޝްގެ ފަރާތުން ސޮއިކުރެއްވީ އެކްސްޕޯޓް އިމްޕޯޓް ބޭންކް އޮފް އިންޑިއާގެ މެނޭޖިންގ ޑިރެކްޓަރ ޑޭވިޑް ރަސްްޤިނާ އެވެ.

އިންޑިއާއިން މިފަހަރު މި ދިން 4.5 ބިލިއަން ޑޮލަރުގެ ލައިން އޮފް ކްރެޑިޓް ބޭނުންކުރެވިގެންދާނީ ބަންގްލަދޭޝްގައި ހިންގޭ މައިގަނޑު 17 ޕްރޮޖެކްޓަކަށެެވެ. އޭގެ ތެރޭގައި ކަަރަންޓާއި، ރެއިލްވޭތަކާއި، މަގުތަކާއި ޝިޕިިންގ އަދި ބަނދަރުތައް ހިމެނެއެވެ.

މީގެ ކުރިން އިންޑިއާއާއެކު ވެފައިވާ ލައިން އޮފް ކްރެޑިޓް އެއްބަސްވުމާއެކު ބަންގްލަދޭޝްއިން އިންޓްރެސްޓްގެ ގޮތުގައި އަހަރަކު އެއް ޕަސެންޓް އިންޓްރެސްޓްގެ ގޮތުގައި ދައްކަން ޖެހެއެވެ.

ފަސް އަހަރު ދުވަހުގެ ގްރޭސް ޕީރިއަޑަކާއެކު މި ލޯން އަނބުރާ ދެއްކުމަށް 20 އަހަރުގެ މުއްދަތެއް ލިބެއެވެ.

އިންޑިއާއިން ބަންގްލަދޭޝްއަށް 4.5 ބިލިއަން ޑޮަލަރުގެ ކްރެޑިޓް ފެސިލިޓީއެއް ހަމަޖައްސައިދޭކަން އިއުލާނުކޮށްފައި ވަނީ ބަންގްލަދޭޝްގެ ބޮޑުވަޒީރު ޝެއިޚް ހަސީނާ އޭޕްރީލް މަހު އިންޑިއާއަށް ކުރެއްވި ދަތުރުފުޅުގައެވެ.

މިނިސްޓަރ ޖެއިޓްލީ ބަންގްލަދޭޝްއަށް ކުރެއްވި ދަތުރުފުޅަކީ އެއްބަސްވުން ފައިނަލް ކުރެއްވުމަށް ކުރެއްވި ދަތުރުފުޅެކެވެ.

މި އެއްބަސްވުމުގެ ދަށުން ބަންގްލަދޭޝްއިން ހޯދާ މުދަލާ ޚިދުމަތް ނުވަތަ މަސައްކަތްތަކުގެ 65 ޕަސެންޓާއި 75 ޕަސެންޓް އިންޑިއާއިން ހޯދަންޖެހޭއިރު މީގެ ކުރިން ވެފައިވާ މިފަދަ ދެ އެއްބަސްވުމެއްގެ ދަށުން ހެދިފައިވާ ލައިން އޮފް ކްރެޑިޓްގެ ތެރެއިން އެ ގައުމަށް ފައިސާ ދެވޭނެއެވެ.

ބަންގްލަދޭޝްއިން މިފަދަ ދެ އެއްބަސްވުމެއްގައި ސޮއިކޮށްފައިވާއިރު ފުރަތަމަ އެއްބަސްވުމުގައި 2010 ވަަނަ އަހަރު އަދި ދެވަނަ އެއްބަސްވުމުގައި ވަނީ 2016 ވަނަ އަހަރު ސޮއިކޮށްފައެވެ.

ފުރަތަމަ އެލްއޯސީގެ ދަށުން 862 މިލިއަން ޑޮލަރު ދިނުމަށް ނިންމި އިރު އެކަން ތަންފީޒުކުރުން ވަނީ ފަސްވެފައެވެ. މީގެ އިތުރުން ދެވަނަ އެލްއޯސީގެ ދަށުން ދެ ބިލިއަން ޑޮަލަރު ދިނުމަށް ނިންމި އިރު އޭގެ ދަށުން ކުރިޔަށް ގެންދިއުމަށް ނިންމި 14 ޕްރޮޖެކްޓެއްގެ އަމަލީ މަސައްކަތް އަދި ނުފެށެއެވެ.