ފިލިޕީންސްގެ ކުރީގެ ރައީސް ފިޑޭލް ރާމޯސް އަވަހާރަވެއްޖެއެވެ.
އަވަހާރަވީއިރު އުމުރުފުޅުން 94 އަހަރެވެ. ރާމޯސްއަކީ ފިލިޕީންސްގެ 12 ވަނަ ރައީސްއެވެ. އެމަނިކުފާނު އެގައުމުގެ ރައީސްގެ މަގާމުގައި ހުންނެވީ 1992 އިން 1998 އަށެވެ.
ރާމޯސް އަވަހާރަވީ ކިހިނެއްކަމެއް އަދި ހާމައެއް ނުކުރެއެވެ. އެހެންނަމަވެސް އާދިއްތަ ދުވަހުގެ ވަގުތެއްގައި ރާމޯސްގެ އާއިލާގެ ފަރާތުން ސްޓޭޓްމެންޓެއް ނެރުމަށް ވަނީ ހަމަޖެހިފައެވެ.
އެގައުމަށް އެކި ގޮތްގޮތުން ގިނަ ޚިދުމަތްތަކެއް ކޮށްދެއްވާފައިވާ ރާމޯސް ވަނީ އަސްކަރިއްޔާގައިވެސް ގިނަ އަހަރުތަކެއްގައި ޚިދުމަތްކުރައްވާފައެވެ.
