ކ. މާލެ
|
26 ސެޕްޓެންބަރ 2022 | ހޯމަ 12:42
ފިލިޕީންސްގައި ފެން ބޮޑުވެފައި
ފިލިޕީންސްގައި ފެން ބޮޑުވެފައި
ގެޓީ އިމޭޖަސް
ފިލިޕީންސްއަށް އެރި ތޫފާން
ފިލިޕީންސްއަށް އެރި ނޯރޫ ތޫފާނުގެ ސަބަބުން 5 މީހުން މަރުވެ ބޮޑެތި ގެއްލުންތައް ލިބިއްޖެ
 
ތޫފާން ނޯރޫ އަރައިގެން އައިއިރު ގަޑިއަކު 149 މޭލުގެ ބާރު މިނުގައި ވައިޖެހިފައިވޭ

ބާރުގަދަ ނޯރޫ ތޫފާން ފިލިޕީންސްއަށް ރޭގައި އަރާފައިވާއިރު އެހީގެ މަސައްކަތުގައި ހަރަކާތްތެރިވި ފަސް މީހުން މަރުވެއްޖެއެވެ. ތޫފާނުގެ ގަދަވަޔާއެކު ބޯވާރޭ ވެހެމުން ދިއުމާއި ގުޅިގެން އެތައްހާސް ގެއެއްގައި ފެންބޮޑުވެ ބޮޑެތި ހިސާބުތަކުން ކަރަންޓު ކެނޑި އެތައް މިލިއަން މީހުން ރޭ ތިބެން ޖެހުނީ ކަރަންޓުން މަހްރޫމް ވެގެންނެވެ.

މަރުވި މީހުން މަރުވެފައި ވަނީ ވެރިރަށް މެނީލާގައި ބޮޑުވި ފެންގަނޑު ދެމިގެން ދިއުމުގެ ތެރޭ މީހުން ސަލާމަތް ކުރަން އުޅެނިކޮށެވެ. މިގޮތުން ބައެއް ހިސާބުތަކުގައި މޭ ކަށިގަނޑާ ހަމަޔަށް ފެންގަނޑު ބޮޑުވެފައިވާއިރު ފެނުން ސަލާމަތްވުމަށްޓަކައި ގިނަ ބަޔަކު ފުރާޅުތަކުގެ މައްޗަށް އަރާ ތިބިކަމަށް ވެސް މީޑިޔާ ރިޕޯޓްތައް ބުނެއެވެ.

ފިލިޕީންސްގައި ފެން ބޮޑުވެފައި

ތޫފާން ނޯރޫ އަރައިގެން އައިއިރު، 110 މިލިއަން މީހުންގެ އާބާދީއެއް އޮންނަ ލޫޒޯން ޖަޒީރާއަށް ގަޑިއަކު 149 މޭލުގެ ބާރު މިނުގައި ވައިޖެހިފައި ވެއެވެ. އާދީއްތަ ދުވަހުގެރޭ ޖީ.އެމް.ޓީ ގަޑިން ބާރަގަޑި ވިހި އެހާއިރު ތޫފާން ނޯރޫ އެރުމަށް ފަހު ހޯމަ ދުވަހު ހަވީރު ބާރު ދަށްވާނެ ކަމަށް ރިޕޯޓުތައް ބުނެއެވެ.

ތޫފާން ދަތުރުކުރާނެ ކަމަށް ބެލުނު މަގުގައި އުޅެމުން އައި 75 ހާހެއްހާ މީހުން ރައްކާތެރި ދުރު ހިސާބުތަކަށް ގެންދެވުނު ކަމަށް ފިލިޕީންސްގެ ސަރުކާރުން ބުނެއެވެ. އަދި ހާލުގައި ޖެހިފައިވާ މީހުންނަށް ކާބޯތަކެއްޗާއި ބޯފެން ސަރުކާރުން ފޯރުކޮށްދެމުންދާކަމަށް ވެސް ޚަބަރުތައް ބުނެއެވެ. މިތޫފާނާ ގުޅިގެން ފްލައިޓްތަކާ ފެރީގެ ޚިދުމަތް ކެންސަލްކޮށް ސަރުކާރު އޮފީސްތަކާއި ސްކޫލްތައް ވެސް ވަނީ ބަންދުކޮށްފައެވެ.   

އެންމެ ފަހުން އަޕްޑޭޓް ކުރީ: 3 ހަފްތާ ކުރިން
ރިވިއު ކުރީ: މަރްޔަމް ދާނިޝް ނަޝީދު
0%
0%
0%
0%
0%
0%
ކޮމެންޓް