ބަންގްލަދޭޝްއިން އިންޑިޔާ ބަލިކޮށްފި

އިންޑިޔާގައި މިހާރު ކުރިއަށްދާ 20 އަހަރުން ދަށުގެ ސާފް ޗެމްޕިއަންޝިޕްގައި އިންޑިޔާ ބަލިކޮށް, ބަންގްލަދޭޝްއިން ދެވަނަ މޮޅު ހޯދައިފިއެވެ.

މުބާރާތުގައި ބަންގްލަދޭޝްއިން އިންޑިޔާ ބަލިކުރީ 2-1ންނެވެ. މެޗުގައި ފުރަތަމަ ލަނޑު ޖަހައި ބަންގްލަދޭޝްއަށް ކުރިހޯދައިދިނީ ޕިއާޝް އަހުމަދެވެ. އިންޑިޔާގެ ގުރުކިރާތު ސިންގ ނަތީޖާ ހަމަހަމަކޮށްދީފައިވަނިކޮށް ބަންގްލަދޭޝް މޮޅުކޮށްދިން ލަނޑު ޕެނަލްޓީއަކުން ޖެހީ ނޯވާއެވެ. މިމެޗުގެ ކުރިން ބަންގްލަދޭޝް ވަނީ ސްރީލަންކާ ބަލިކޮށްފައެވެ. މިއީ އިންޑިޔާ މި މުބާރާތުގައި ކުޅުނު ފުރަތަމަ މެޗެވެ. އިންޑިޔާގެ ދެވަނަ މެޗުގައި އަންނަ ހުކުރު ދުވަހު ވާދަކުރާނީ ސްރީލަންކާއާއެވެ.

މުބާރާތުގައި ރާއްޖެ ވަނީ ފުރަތަމަ މެޗުގައި ނޭޕާލް އަތުން ބަލިވެފައެވެ. ރާއްޖޭގެ ދެވަނަ މެޗުގައި ހުކުރު ދުވަހު ވާދަކުރާނީ ދެ މެޗުން މޮޅުވެފައިވާ ބަންގްލަދޭޝްއާއެވެ. މުބާރާތުގެ ފައިނަލަށް ދާނީ ފަސް ޓީމް ލީގުބުރެއް ކުޅެ، އެންމެ ގިނަ ޕޮއިންޓް ހޯދާ ދެޓީމެވެ.