ފަނޑިޔާރުކަމުގެ މަޤާމަށް ކުރިމަތިލުމުގެ ފުރުޞަތު ހުޅުވާލީ 14 ޖޫން 2022 ގައި
ހައި ކޯޓު- ސުންގަޑި ހަމަވިއިރު ހައިކޯޓުގެ ފަނޑިޔާރު ކަމަށް ކުރިމަތިލެއްވީ 8 ބޭފުޅުން
ސުންގަޑި ހަމަވިއިރު ހައިކޯޓުގެ ފަނޑިޔާރު ކަމަށް ކުރިމަތިލެއްވީ 8 ބޭފުޅުންކަމަށް ޖުޑީޝަލް ސަރވިސް ކޮމިޝަން (ޖޭއެސްސީ) އިން ބުނެފިއެވެ.
ދިވެހިރާއްޖޭގެ ހައިކޯޓުގެ ފަނޑިޔާރުކަމުގެ މަޤާމަށް ކުރިމަތިލުމުގެ ފުރުޞަތު ހުޅުވާލީ 14 ޖޫން 2022 ގައެވެ. ޖޭއެސްސީން މައުލޫމާތު ދޭ ގޮތުގައި 27 ޖޫންއަށް ސުންގަޑި ހަމަވިއިރު އެ މަޤާމަށް ކުރިމަތިލައްވާފައިވަނީ 8 ބޭފުޅެކެވެ.
ހައިކޯޓަށް ކުރިމަތިލެއްވި ބޭފުޅުން:
ހައިކޯޓުގެ ފަނޑިޔާރެއްގެ އަސާސީ މުސާރައަކީ މަހަކު 36،000 ރުފިޔާއެވެ. އޭގެ އިތުރުން ލިވިންގ އެލަވަންސް ގޮތުގައި މަހަކު 15،000 ރުފިޔާ ލިބިވަޑައިގަންނަވާއިރު، ރިސްކް އެލަވަންސް ގޮތުގައި މަހަކު 3300 ރުފިޔާ އަދި މެޑިކަލް އެލަވަންސްއާއި ފޯނު އެލަވަންސްވެސް ލިބިވަޑައިގަންނަވައެވެ.
ހައިކޯޓުން މީގެ ކުރިން ހުސްވެފައިވާ މަޤާމަށް ކުރިމަތިލައްވައި އެ މަޤާމަށް ދާދި ފަހުން އައްޔަނު ކުރެވުނު އަލްއުސްތާޛާ ޙުޒައިފާ މުޙައްމަދު 2022 ޖޫން 27 ވަނަ ދުވަހުން ފެށިގެން ހައިކޯޓުގެ ފަނޑިޔާރުކަމުގެ މަސައްކަތާ ވަނީ ގުޅިވަޑައިގެންފައެވެ.
އެކަމާއި ގުޅިގެން ފެމިލީކޯޓު ވަގުތީގޮތުން ހިންގުން އެކޯޓުގެ ޤާޟީ އަލްއުސްތާޛު އިބްރާހީމް މާހިރުއާ ހަވާލުކުރުމަށް 2022 ޖޫން 28 ވަނަ ދުވަހު ބޭއްވުނު ކޮމިޝަނުގެ 45 ވަނަ ބައްދަލުވުމުގައި ނިންމާފައިވާކަންވެސް ޖޭއެސްސީން ފާހަގަ ކުރެއެވެ.
