ބާސެލޯނާއަށް ކުޅެމުން އަންނަ ކުޅެމުން އަންނަ ގަވީގެ ރިލީޒް ކޮލޯސް މިމަހުގެ ތެރޭގައި 100 މިލިއަން ޔޫރޯއަށް އަރާނެކަމަށް ރިޕޯޓުތައް ބުނެފިއެވެ.
މިހާރު ގަވީގެ ރިލީޒް ކްލޯސްއަކީ 50 މިލިއަން ޔޫރޯއެވެ. ނަމަވެސް 2020 ވަނަ އަހަރުގެ ސެޕްޓެމްބަރު މަހު ބާސެލޯނާއާއެކު ގަވީ ހަދާފައިވާ އެއްބަސްވުމުގައި، މި މަހު ރިލީޒް ކްލޯސް 100 މިލިއަނަށް ބޮޑުކުރަން ހިމަނާފައިވެއެވެ.
ގަވީއާއެކު ބާސެލޯނާއިން ހަދާފައިވާ އެއްބަސްވުމުގެ މުއްދަތު މިއަންނަ އަހަރު ހަމަވާނެއެވެ. އެހެންކަމުން އެކްލަބުން އަންނަނީ އޭނާގެ އެއްބަސްވުން އައު ކުރުމުގެ މަސައްކަތް ކުރަމުންނެވެ. އެއްބަސްވިން އައުކުރުމަށް ދެފަރާތުން މަޝްވަރާ ކުރަމުން އައިނަމަވެސް މިހާތަނަށް ދެފަރާތުން އެއްބަސްވުމަކަށް އާދެވިފައެއްނުވެއެވެ.
ބާސެލޯނާއަށް ގަވީގެ ކޮންޓްރެކްޓް މިހާތަނަށް އައުކުރެވިފައި ނުވާއިރު، އޭނާ ހޯދުމަށް ޔޫރަޕުގެ ގިނަ ކްލަބުތަކަކުން އަންނަނީ މަސައްކަތް ކުރަމުންނެވެ. މީގެ ތެރޭގައި ލިވަޕޫލްއާ މެންޗެސްޓާ ސިޓީ ފަދަ ކްލަބުތައް ހިމެނެއެވެ. ގަވީގެ ރިލީޒް ކްލޯސް ބޮޑުވި ނަމަވެސް އެއަގުގައި އޭނާގެ ސޮއި ހޯދޭނެ ކްލަބުތައް އަންނަނީ ގަވީއަށް ކަޅިއަޅަމުންނެވެ.
ބާސެލޯނާގައި މަޑުކުރަން ގަވީ ބޭނުންވި ނަމަވެސް އޭނާގެ އެޖެންޓު އިވާން މަސައްކަތް ކުރަމުން ދަނީ މިހާރު ގަވީއަށް ލިބޭވަރަށްވުރެ ބޮޑު މުސާރައެއްގައި އެއްބަސްވުން އައު ކުރުމަށެވެ. ބާސެލޯނާގެ ރައީސް ލަޕޯޓާ މިދިޔަ ހަފްތާގައި ބުނީ ދެފަރާތުން އެއްބަސްވުމަކަށް އައިސް ކޮންޓްރެކްޓް އައު ކުރުން ވަރަށް ގާތް ކަމަށެވެ.
ބާސެލޯނާގެ ކޯޗު ޒަވީއަށް ގަވީއަކީ ވަރަށް މުހިންމު ކުޅުންތެރިއެކެވެ. އެގޮތުން ނިމުނު ސީޒަންގައިވެސް އޭނާ ވަނީ ގަވީގެ ބޭނުން ވަރަށް ބޮޑަށް ކޮށްފައެވެ.
