އިޓަލީގެ ޗެމްޕިއަންކަން 11 އަހަރަށްފަހު މިލާނަށް
މިއީ މިލާނުން ލީގު ހޯދި 19 ވަނަ ފަހަރު
މިލާނުން ތަށްޓާއެކު އުފާފާޅުކުރަނީ: ފޮޓޯ-އޭސީ މިލާން ޓްވިޓަރ
11 އަހަރުގެ ތެރޭގައި އިޓަލީގެ ޗެމްޕިއަންކަން ފުރަތަމަ ފަހަރަށް އޭސީ މިލާނުން ހޯދައިފިއެވެ. ސެރީ އާގެ ޗެމްޕިއަންކަން އޭސީ މިލާނުން ހޯދީ ދެ ޕޮއިންޓްގެ ތަފާތުން އިންޓަރ މިލާންގެ މައްޗަށް ކުރި ހޯދައިގެންނެވެ.
ލީގުގައި އޭސީ މިލާން ކުޅުނު ފަހު މެޗު ކާމިޔާބުކުރީ ސަސުއޯލޯ 3-0 ން ބަލިކޮށްގެންނެވެ. މެޗުގައި މިލާންގެ ފުރަތަމަ ދެ ލަނޑު ޖެހީ ޗެލްސީން މިލާނަށް ބަދަލުވި ޖިރޫއެވެ. ތިންވަނަ ލަނޑު ޖެހީ ކެސީއެވެ. މިލާނުން ތިން ގޯލްވެސް ޖެހީ ފުރަތަމަ ހާފްގައެވެ. މިއީ މިލާނުން ލީގު ހޯދި 19 ވަނަ ފަހަރެވެ. މީގެކުރިން މިލާނާއެކު ލީގު ހޯދި ސްވިޑުންގެ އިބްރަހޮމްވިޗް ވަނީ 40 އަހަރުގައި ދެވަނަ ފަހަރަށް މިލާނާއެކު ލީގު އުފުލާލާފައެވެ.
ލީގު ދިފާއުކުރަން އިންޓަރ މިލާނުން ފަހު މެޗާ ހަމައަށްވެސް ހިތްވަރުކުރިއެވެ. ފަހު މެޗުގައި 3-0 ން ސަމްޑޯރިއާ ބަލިކުރި ނަމަވެސް, އޭސީ މިލާނުން މޮޅުވެ ލީގު ހޯދީއެވެ. އިޓަލީ ލީގުގެ ގަދަ ހަތަރެއްގައި ނިންމާލީ އޭސީ މިލާނާއި, އިންޓަރ މިލާންގެ އިތުރުން ނަޕޯލީއާއި, ޔުވެންޓަސްއެވެ.
