ށ. އަތޮޅުގެ ރަށެއްގެ ކުޑަކުއްޖަކު ވަލުތެރެއަށް ގެންގޮސް އަނިޔާކުރި މައްސަލައެއް ބަލަނީ
13 މެއި 2022 | ހުކުރު 14:00އެ މައްސަލަ ބަލަނީ ޖެންޑަރ މިނިސްޓްރީ އާއި ފުލުހުންނާއި އެ ރަށު ސްކޫލާއި ކައުންސިލް ގުޅިގެން
ޖެންޑާ މިނިސްޓަރ އައިޝަތު މުޙައްމަދު ދީދީ
ށ. އަތޮޅުގެ ރަށެއްގައި 18 އަހަރު ނުވާ ކުއްޖަކު ވަލުތެރެއަށް ވައްދައި އެ ކުއްޖާއަށް އަނިޔާކުރި މައްސަލައެއް ކަމާ ބެހޭ ފަރާތްތަކުން ބަލަން ފަށައިފިއެވެ.
އެ މައްސަލައިގައި ކުޑަކުއްޖާއަށް އަނިޔާ ކޮށްފައިވަނީ ކުޑަކުދިންތަކެކެވެ. އަނިޔާކުރާ ވީޑިއޯ ސޯޝަލް މީޑިއާގައި އާއްމުވެފައިވާއިރު ގިނަ ބަޔަކު ދަނީ ވަގުތުން ފިޔަވަލު އެޅުމަށް ގޮވާލަމުންނެވެ.
ޖެންޑަރ މިނިސްޓްރީ އިން "ރާއްޖެ އެމްވީ" އަށް މައުލޫމާތު ދިން ގޮތުގައި އެ މައްސަލަ އެ ރަށު ސްކޫލުން ވަނީ ވަގުތުން ބަލައި އެ ކުދިން ސުލްހަ ކުރުވާފައެވެ. އެ މައްސަލާގައި އަނިޔާދިން ކުއްޖާ އަނިޔާ ލިބުނު ކުއްޖާގެ ފަރާތުން މައާފަށް އެދިފައިވާ ކަމަށް ވެސް މިނިސްޓްރީން މައުލޫމާތު ދެއެވެ.
އެ މައްސަލަ އެ ރަށުގެ ކައުންސިލާއި ސްކޫލާއި ފުލުހުންނާއި ޖެންޑަރ މިނިސްޓްރީ ގުޅިގެން އިތުރަށް ބަލަމުން ގެންދާ ކަމަށް ވެސް އެ މިނިސްޓްރީން ބުނެފައިވެއެވެ. އަދި ޖެންޑަރ މިިނިސްޓަރ އައިޝަތު މުޙައްމަދު ދީދީ ވަރަށް ގާތުން އެ މައްސަލަ ބައްލަވަމުން ގެންދަވާ ކަމަށް ވެސް އެ މިނިސްޓްރީން މައުލޫމާތު ދެއެވެ.
މި މައްސަލައިގައި ހިމެނެނީ ކުޑަކުދިންތަކެއް ކަމުން އެ ކުދިންގެ ކަރާމާތް ރައްކާތެރި ކުރުމުގެ ގޮތުން މީސް މީޑިއާގައި ދައުރުވާ ވީޑިއޯ އިތުރަށް ނުފެތުރުމަށް ޖެންޑަރ މިނިސްޓްރީ އިން އެދިފައި ވެއެވެ.
