ގެއްލުނީ ފުރުޞަތެއް- ގާޑިއޯލާ

އިނގިރޭސި ޕްރިމިއަރ ލީގު ދިފާއުކުރުމަށް ކުރަމުން އަންނަ މަސައްކަތުގައި ލިވަޕޫލް އަތުން މޮޅުނުވެވުމުން ގެއްލިގެން ދިޔައީ ބޮޑު ފުރުޞަތެއްކަމަށް މެންޗެސްޓަރ ސިޓީގެ ކޯޗު ޕެޕް ގާޑިއޯލާ ބުނެފިއެވެ.

ދެފަހަރު މަތީން ލީޑް ހޯދުމުންވެސް ލީދް ނުހިފެހެއްޓި 2-2 ން އެއްވަރުވި މެޗަށްފަހު ގާޑިއޯލާ ބުނީ މެޗުން އެއްވަރުވެ ފުރުޞަތެއް ގެއްލުނަސް މިއީ އަދި ނިމުން ނޫންކަމަށެވެ. ގާޑިއޯލާ ބުނީ ސިޓީން ކުރަން ޖެހޭ ކަންތައް އެނގޭކަމަށާއި, އެކަމަކު ވާނެގޮތް ނޭންގޭ ކަމަށެވެ. ގާޑިއޯލާ ބުނީ ކޮންމެ ޓީމަކަށްވެސް ބާކީ އޮތް ހަތް މެޗުން މޮޅުވާން ޖެހޭކަމަށެވެ.

ލިވަޕޫލްގެ ކޯޗު ކްލޮޕް ބުނީ ނަތީޖާ ޤަބޫލުކުރަން ޖެހޭކަމަށާއި, ކުރިއަށްދާން ޖެހޭނީ އެނަތީޖާއާއެކު ކަމަށެވެ. ގޭމްގެ އިންޓެންސިޓީއާއި މެދުވެސް ކްލޮޕް ހުރީ ހިތްހަމަޖެހިފައެވެ.

މެޗުގައި ސިޓީއަށް ފުރަތަމަ ގޯލް ޖަހައިދިނީ މިޑްފީލްޑަރު ކެވިން ޑި ބުރައިނާއެވެ. ލިވަޕޫލަށް އެއްވަރުކޮށްދިނީ ޖޮޓާއެވެ. ހާފް ނިމުމުގެ ކުރިން ސިޓީން ދެވަނަ ފަހަރަށް އެއްވަރުކުރީ ޖެސޫސް ޖެހި ލަނޑުންނެވެ. ދެވަނަ ހާފް ފަށައިގެން ދެވަނަ މިނިޓްގައި ލިވަޕޫލުން ނަތީޖާ ހަމަހަމަކުރީ 30 ވަނަ އުފަން ދުވަސް ފާހަގަކުރި މާނޭއެވެ.

ސިޓީއާއި ލިވަޕޫލާ ދެމެދުގައި އޮތީ ޕޮއިންޓެއްގެ ފަރަޤެކެވެ. އެއްވަނާގައި އޮތީ ސިޓީއެވެ.