ދުނިޔޭގެ ގިނަ ބަޔަކު އިންތިޒާރުކުރަމުން އައި ފީފާ ވޯލްޑް ކަޕް 2022 ގެ ގުރު ނަގައިފިއެވެ.

ދޯހާގައި ކުރިއަށް ދިޔަ މި ގުރު ނެގުމުގައި މުބާރާތުގެ ޖާގަ ކަށަވަރުވީ 29 ޓީމަކަށެވެ. ޖުމްލަ 32 ޓީމު ބައިވެރިވާ މި މުބާރާތުގައި ދެން ވާދަކުރާނެ ޓީމުތައް ޔަގީން ވާނީ މިއަންނަ ޖޫން މަހުގައި އޮންނަ ކޮލިފިކޭޝަން މެޗުތަކަށްފަހުއެވެ. އެ ޖާގަތަކަށް ވާދަކުރަނީ ވޭލްސް، ސްކޮޓްލެންޑް/ޔޫކްރޭން، ޔޫއޭއީ, އޮސްޓްރޭލިއާ، ޕެރޫ، ކޮސްޓަ ރިކާ އަދި ނިއު ޒީލެންޑް އެވެ.

މުބާރާތުގެ ގްރޫޕް ސްޓޭޖުގެ މެޗުތައް ކުޅުމަށް ތާވަލުކުރެވިފައި ވަނީ ނޮވެމްބަރ 21 ން ޑިސެމްބަރ ދެވަނަ ދުވަހަށެވެ. އަދި ޑިސެމްބަރ ތިންވަނަ ދުވަހުން ހަވަނަ ދުވަހަށް ނޮކްއައުޓް ސްޓޭޖުގެ މެޗުތައް ކުޅޭނެއެވެ. ކުއާޓާ ފައިނަލްގެ މެޗުތައް ކުޅޭނީ ޑިސެމްބަރ 9 އަދި 10 ވަނަ ދުވަހުއެވެ. ސެމީ ފަނަލްގެ މެޗުތައް ކުޅުމަށް ހަމަޖެހިފައިވަނީ ޑިސެމްބަރ 13 އަދި 14 ވަނަ ދުވަހުއެވެ. މުބާރާތުގެ ތިންވަނަ ހޮވާ މެޗު 17 ޑިސެމްބަރުގައި ކުޅޭއިރު ފައިނަލް މެޗު އޮންނާނީ ޑިސެމްބަރ 18 ވަނަ ދުވަހުއެވެ.