ބްރެންޓްފޯޑްގެ ކޯޗު ބޭނުންވަނީ އެރިކްސަން ކްލަބްގައި ބަހައްޓަން!
2 އެޕްރީލު 2022 | ހޮނިހިރު 10:51އެރިކްސަން ގެ އެއްބަސްވުން އޮތީ މިސީޒަންގެ ނިޔަލަށް
އެނބުރި އައިސް ޤައުމީ ޓީމަށް ޖަހައިދިން ފުރަތަމަ ލަނދަށްފަހު އެރިކްސަން
ސީޒަން ނިމުމުންވެސް އެރިކްސަން ބަހައްޓަން ބޭނުންވާކަމަށް ބްރެންޓްފޯޑްގެ ކޯޗު ތޯމަސް ފްރޭންކް ބުނެފިއެވެ. ސީޒަންގެ މެޗު ތަކުގެ ތެރެއިން ކްރިސްޓިއަން އެރިކްސަން ޕްރިމިއަރ ލީގުގެ ބްރެންޓްފޯޑާ ގުޅުނީ ސީޒަންގެ ނިޔަލަށެވެ.
2020 ވަނަ އަހަރުގެ ޔޫރޯގައި ދިމާވި ހިތުގެ މައްސަލައާއި ގުޅިގެމް ކުރި އޮޕަރޭޝަނަށްފަހު ކުޅުމާ ދުރުގައި ގިނަ ދުވަސްތަކެއް ހޭދަކުރަން ޖެހުނު ނަމަވެސް, އެނބުރި އައިސް އެރިކްސަން އަންނަނީ ކުރީގެ ފޯމް ދަމަހައްޓަމުންނެވެ. އިންޓަރ މިލާންގެ އެއްބަސްވުން ނިމުމަކަށް ގެނައުމަށްފަހު ބްރެންޓްފޯޑާ ގުޅި އޭނާ އަންނަނީ އެކްލަބްގައިވެސް މޮޅަށް ކުޅެމުންނެވެ. ޤައުމީ ޓީމްގައިވެސް މޮޅަށް ކުޅެ އެނބުރި އައިފަހުން ދެގޯލް ޖެހިއެެވެ. އެރިކްސަންގެ ސަބަބުން ބްރެންޓްފޯޑަށްވެސް ކުރިއެރުންތަކެއް ލިބެމުންދާތީ ކޯޗު ފްރޭންކް ބުނީ އެރިކްސަން ކުރިއަށް އޮތް ސީޒަންގައިވެސް ކްލަބްގައި ބަހައްޓަން ބޭނުންވާކަމަށެވެ. އަދި އެއީ ސިއްރެއްވެސް ނޫންކަމަށެވެ.
ޑެންމާކްގެ އެޓޭކިންގ މިޑްފީލްޑަރ ފުޓްބޯޅައަށް އެނބުރި އައީ މިއަހަރުގެ ފެބްރުއަރީ މަހުއެވެ.
