ބަނގްލަދޭޝް މެޗަށް ސްކޮޑް އެކުލަވާލާ، ޤައުމީ ޓީމުގެ ޕްރެކްޓިސް ފަށައިފި

މިހަފްތާގެ ބުރާސްފަތި ދުވަހުގެ ރޭ ބަނގްލަދޭޝް އާއި ދެކޮޅަށް ކުޅޭ ރަހުމަތްތެރިކަމުގެ މެޗަށް ޤައުމީ ފުޓްބޯޅަ ޓީމްގެ ސްކޮޑް އެކުލަވާލުމަށްފަހު, ޕްރެކްޓިސް ފަށައިފިއެވެ. ފީފާގެ ތާރީޚުގައި ބަނގްލަދޭޝް އާއި ދެކޮޅަށް މާލޭގައި ކުޅޭ މެޗަށް އިޓަލީގެ ކޯޗު މޮރިއޭރޯ އެކުލަވާލި ސްކޮޑަށް ބަދަލުތަކެއް ވަނީ ގެނެސްފައެވެ.

އަހަރުތަކަކަށްފަހު ސްކޮޑުން ޖާގަ ހޯދި ތަޖުރިބާކާރު ދެ ކުޅުންތެރިންނަކީ ގްރީން ސްޓްރީޓްސްގެ ކެޕްޓަން ރިލްވާން ވަހީދާއި, މީގެކުރިން ޤައުމީ ޓީމްގެ ދިފާއު ބެލެހެއްޓި ވެލެންސިޔާގެ އަމްދާން އަލީ (އެންޑީ) އެވެ. އީގަލްސްގައި މިސީޒަންގައި ދައްކަމުން އަންނަ މޮޅުކުޅުމާއެކު ފޯވާޑް އަހުމަދު ހަސަންއަށްވެސް ވަނީ ފުރުޞަތު ދީފައެވެ. އަދި މަސައްކަތުގެ ރޭޓް ރަނގަޅު އެއް ފެންވަރެއްގައި ކުޅުން ދަމަހައްޓަމުން އަންނަ މާޒިޔާގެ ހަސަން ޝިފާޒު (ޑުންގާ) އަށްވެސް ކޯޗު ވަނީ ފުރުޞަތު ދީފައެވެ. ސްކޮޑުން ޖާގަ ދިން ދެން ފާހަގަކޮށްލެވޭ ކުޅުންތެރިއަކީ ގްރީންގެ އަހުމަދު ނާހިލްއެވެ. ސަސްގެ ޔޫސުފް މީސަމްވެސް ވަނީ ސްކޮޑްގައި ހިމަނާފައެވެ.

އަމިއްލަ ސަބަބުތަކަކާއި ހުރެ މިފަހުން މެޗުތަކުން ނުފެނުނު ނަމަވެސް ކީޕަރު ފައިސަލްއާއި, އަނިޔާއަށްފަހު މުޅިން ފިޓްނުވާ އަލީ ފާސިރު (ސެންޓޭ)އަށް ކޯޗު ޖާގަ ދިނެވެ. އެކަމަކު މާޒިޔާގެ މިޑްފީލްޑަރ އިބްރާހީމް ވަހީދަށް ފުރުޞަތެއް ނެތެވެ. ކެޕްޓަން އަކްރަމްއާއި, އުމެއިރު ވަނީ ސްކޮޑްގައި ހިމަނާފައެވެ. ސްކޮޑްގައި މާޒިޔާގެ 13 ކުޅުންތެރިން ހިމެނެއެވެ.

މޮރިއޭރޯގެ އިރުޝާދުގެ ދަށުން ގަލޮޅު ދަނޑުގައި ކުޅޭ ފުރަތަމަ މެޗުގައި ބަނގްލަދޭޝްއާ ދެކޮޅަށް ނިކުންނާނީ މިމަހުގެ 24 ވާ ބުރާސްފަތި ދުވަހުގެރެއެވެ.

މެޗަށް ނެގި ޤައުމީ ސްކޮޑް:

އީގަލްސްގެ ކުޅުންތެރިން:

1- އަހުމަދު ނޫމާން

2- އަހުމަދު ޝިފާއު

3-ހަސަން ރާއިފު

4- އަހުމަދު ހަސަން

5- އަހުމަދު ރިޒުވާން

ކްލަބް ގްރީން ސްޓްރީޓްސް;

1- ހަސަން ނަޒީމް

2- ރިލްވާން ވަހީދު

3- މުޙައްމަދު ސާއިފް

4- އަހުމަދު ނާއިލް

މާޒިޔާއިން ހިމެނޭ ކުޅުންތެރިން:

1- ސަމޫހު އަލީ

2- މުޙައްމަދު އުމެއިރު

3- އިބްރާހީމް އައިސަމް

4- އަސަދުالله އަބުދުالله

5- ހަމްޒާ މުޙައްމަދު

6- އަކްރަމް އަބުދުލްޣަނީ

7- ހައިޝަމް ހަސަން

8- މުޙައްމަދު އިރުފާން

9- ނާއިޒް ހަސަން

10- ހުސެއިން ޝަރީފް

11- ހުސެެއިން ނިހާން

12- ހަސަން ޝިފާޒު

13- އިބްރާހީމް މަހުދީ

ސަސްއިން ހިމެނޭ ކުޅުންތެރިން:

1- މުޙައްމަދު ޝަފީއު

2- ޔޫސުފް މީސަމް

ވެލެންސިޔާއިން ހިމެނޭ ކުޅުންތެރިން:

1- އަބުދުالله ޔާމީން

2- އަލީ ފާސިރު

3- މުޙައްމަދު ފައިސަލް

4- އަމްދާން އަލީ