ހަނގުރާމައާއި އެތެރޭގެ ހަމަނުޖެހުންތަކަށް އަހަރުތަކެއް ވެފައިވީނަމަވެސް، ލީބިޔާގެ ބެންގާޒީގައި އޮޅު ޖަނަވާރު ގެންގުޅޭ މީހުންނަށް ހިތްހަމަޖެހުމެއް ލިބި އުއްމީދެއް ގެނުވާފައިވަނީ އެ ސަހަރުގައި އަލަށް ހުޅުވި ޖަނަވާރުންގެ ހޮސްޕިޓަލް ނުވަތަ ވެޓެރިނަރީ ހޮސްޕިޓަލާއެކުގައެވެ. މިއާއެކު އެމީހުންނަށް އޮޅު ޖަނަވާރުތަކަށް ބޭނުންވާ ސިއްހީ ފަރުވާ ލިބިގެންދާނެއެވެ.
އަޅުގަނޑުމެންގެ މުޖުތަމައުގައި ޖަނަވާރުން ބަލައިގަންނަވަނީ އެއީ އާއިލާގެ މެންބަރުންގެ ގޮތުގައި. އެ އެއްޗެއްސައް ކަމެއް ވެއްޖެޔާ ކަންބޮޑުވެ ދެރަވެސް ވާނެ. ބައެއް މީހުން ބުނޭ މި އާދަކާދަ ލީބިޔާގައި ނެތް ކަމަށް. ނޫން އެކަން އޮވޭ. ހަގީގަތަށް ބުނާނަމަ އިންސާނީ ވަންތަކަށް އޮވޭ. އަދި އޭގެ ސަބަބުން ޖަނަވާރުންގެ ފުރާނަ ސަލާމަތް ކުރުމަށް ކުރަންޖެހުނު ކޮންމެ ކަމެއް ކުރޭޖަނަވާރުންގެ ހާއްސަ ހޮސްޕިޓަލުގައި ފަރުވޭ ދޭ ޑޮކްޓަރު ވަލީދު
އަލް-ރަވާސީ އަކީ ލީބިޔާގެ އިރުމަތީގައި އަލަށް ހުޅުވުނުން ޖަނަވާރުންނާއި ބެހޭ ސިއްހީ ހިދުމަތްދޭ ހޮސްޕިޓަލު ކަމަށް ޑޮކްޓަރުންނާއި އޮޅު ޖަނަވާރު ގެންގުޅޭ ފަރާތްތަކުން ބުނެއެވެ. މީގެ ހަފްތާއެއްހާ ދުވަސް ކުރިން ހުޅުވި މި ހޮސްޕިޓަލަށް މިހާތަނަށް އައި އިރު، ބުޅާ، ކުއްތާ އަސް އަދި މިނިކާވަގަށް ވަނީ ފަރުވާދީފައެވެ.
ހަގީގަތުގައި ބުނާނަމަ، އަޅުގަނޑު މިހުރީ އިންސާނުންނާއި ޖަނަވާރުންނާއި އެ އޮންނަ ގުޅުން ފެނި ހައިރާންވެފައި. ބައެއް މީހުން ފާޑުވެސް ކިޔާ އަދި ބުނޭ ޖަނަވާރުންނަށް އަޅާނުލާ އިންސާނުންނަށް އަޅާލާށޭ ވެސް. އަޅުގަނޑަކީ ޖަނަވާރުންގެ ހާއްސަ ޑޮކްޓަރެއް. މިއީ އަހަރެން ހާއްސަވާ ދާއިރާ. އަހަރެން ކުރިއަށް ދިޔައީ ވެސް މި ދާއިރާއިން. ކޮންމެ މީހަކަށް ވެސް އޮންނާނެ އެމީހަކު ކުރިއަށްދާން ބޭނުންވާ ގޮތެއް ހިޔާރުކުރުންޖަނަވާރުންގެ ހާއްސަ ހޮސްޕިޓަލުގައި ފަރުވޭ ދޭ ޑޮކްޓަރު ވަލީދު
ޖަނަވާރުން ގެންގުޅޭ ފަރާތްތަކުން ބުނެފައިވަނީ ބެންގާޒީގައި މި ހދުމަތް ލިބުމުން ހިތްހަމަޖެހުމެއް ލިބިއްޖެ ކަމަށެވެ. މީގެ ކުރިން ޖަނަވާރެއް ބަލިވެއްޖެ ނަމަ ފޮނުވަން ޖެހެނީ އެހެން ސަހަރުތަކުގެ ހޮސްޕިޓަލްތަކަށް ނުވަތަ ކުޑަ ކްލިނިކުތަކަށް ކަމަށާއި، އެކަމުގެ ސަބަބުން ބޮޑު ހަރަދެއް ދާ ކަމަށެވެ. އަދި އެ ތަންތަނުން އެންމެ އެކަށީގެންވާ ހިދުމަތެއް ނުލިބޭ ކަމަށެވެ.
ހޮސްޕިޓަލުން ހިދުމަތްދެނީ އަގުދައްކައިގެންނެވެ. ނަމަވެސް އޮޅު ޖަނަވާރު ނޫން އެހެންޖަނަވާރުތަކަށް ހޮސްޕިޓަލުން ހިލޭ ފަރުވާދެއެވެ.
އެކްސްރޭ ނަގާ މެޝިނާއި ލޭގެ ޓެސްޓް ކުރެވޭ މެޝިން މިހާރު އެބަހުރި. މިއީ ބެންގާޒީގައި ކުރިން ނެތް އެއްޗެހި. ކުރިން ހުޅަނގު ސަރަހައްދުތަކުން ޑޮކްޓަރުން އަންނާނެ އަސްތައް ބަލަން. އެއާއެކު ބޮޑު ހަރަދެއްވެސް އަތުންދޭއަހުގެ ވެރިޔާ، ސަލާމް އަލް-ޒަވީ
އެތެރޭގެ ހަމަނުޖެހުންތަކާއި ހަނގުރާމައާއި ގުޅިގެން ބެންގާޒީގެ ސިއްހީ ދާއިރާއަށް ވަނީ ބޮޑެތި ލޮޅުންތަކެއް އައިސްފައެވެ. ހަނގުރާމައާއި ހަމަނުޖެހުންތަކުގައި ސިއްހީ ފަރުވާދޭ ތަންތަނަށް ބޮން އަޅާ އެތަންތަނަކީ ހަނގުރާމަވެރިން ފިލަން ބޭނުންކުރާ ތަންތަން ގޮތުގައި ބޭނުންކޮށްފައިވެއެވެ. މިކަމުގެ ސަބަބުން ބަލި މީހުންނަށް ފަރުވާ ދިނުމުގައި ގޮންޖެހުންތަކެއް ދިމާވެފައިވާ އިރު، ފަރުވާ ހޯދުމަށް ހަރަދު ކުރުން ވެސް ވަނީ ތަކުލީފަކަށް ވެފައެވެ.
މީގެ އިތުރުން ކޮވިޑް ފެތުރެން ފެށުމާއެކު، ބެންގާޒީގެ ސިއްހީ ދާއިރާގައި މަސައްކަތް ކުރާ ފަރާތްތަކަށް އިތުރު ފިއްތުންތަކާއި ކުރިމަތިލާން ޖެހިފައިވާ އިރު، އައިސީޔޫ އެނދާއި ވެންޓިލޭޓަރުގެ ދަތިކަން ވެސް އިންތިހާއަށް ވަނީ ކުރިމަތިވެފައެވެ.
ބެންގާޒީގެ އާންމު މީހަކަށް އޭނާގެ ސިއްހީ ފަރުވާ ހޯދުމަށް ނުކުޅެދިފައި ވީނަމަވެސް، ޖަނަވާރު ގެންގުޅޭ ފަރާތްތަކަށް މިހާރު ވަނީ އެމީހުންގެ ޖަނަވާރުންތަކަށް ރަނގަޅު ހިދުމަތެއް ދޭނެ ބަޔަކު ތިބިކަން ކަށަވަރުވެފައެވެ.
ޖަނަވާރުން ގެންގުޅޭ މީހުން މިހާރު އުފާވާނެ އެމީހުންނަށް އެކަންކޮށްދޭ ބަޔަކު ތިބީމަ. ކުރިން ޖެހެނީ ޖަނަވާރުން އެކަމަށް ހާއްސަ ޑޮކްޓަރެއް ކައިރިއަށް ނުވަތަ ކްލިނިކަކަށްދާން. އަދި އެ އެއްޗެހި ރަނގަޅުވާ ފަހަރާއި ނުވާ ފަހަރު އާދޭ. މިއީ ލީބިޔާގެ އިރުމަތީގައި މިގޮތަށް ގާއިމް ކުރެވުނު ފުރަތަމަ ހޮސްޕިޓަލް. ތްރިޕޮލީގައި މިފަދަ ތަނެއް ހުރިކަމެއް ސީދާ ނޭނގެ. ހަގީގަތަށް ބުޏާނަމަ މިއީ ބަރާބަރު ކަމެއް. މިކަމުން ޖަނަވާރުން ގެންގުޅޭ މީހުންނަށް ހިތްހަމަޖެހުމެއް ލިބޭމޯޓާޒް އަލް-ފަޚްރީ - ކުއްތާއެއް ގެންގުޅޭ މީހެއް
