މެމްބަރު މުހުސިން އާއި މެމްބަރު ނަޝީދު އެމްއެންޕީއަށް ސޮއިކުރުން މަޑުޖައްސާލައިފި
15 ސެޕްޓެމްބަރު 2021 | ބުދަ 02:32އެޕާޓީއާއެކު ކުރަމުން އައި މަސައްކަތްތައް މިހާރު ވަނީ މަޑުޖައްސާލާފައި
ނޮޅިވަރަމް ދާއިރާގެ މެމްބަރު މުހައްމަދު ނަޝީދު،
ރައްޔިތުންގެ މަޖިލީހުގެ ނިލަންދޫ ދާއިރާގެ މެމްބަރު އަބްދުލް މުހުސިން ހަމީދު އާއި ނޮޅިވަރަމް ދާއިރާގެ މެމްބަރު މުހައްމަދު ނަޝީދު ޢަބްދުﷲ (މޮސްޓާ) މޯލްޑިވްސް ނޭޝަނަލް ޕާޓީ (އެމްއެންޕީ) އަށް ސޮއިކުރުން މިވަގުތަށް މަޑުޖައްސާލައިފިއެވެ.
މިދެ މެމްބަރުން ސޮއިކުރެއްވުން މަޑުޖައްސާލާފައި ވަނީ ބުދަ ދުވަހު އެމްއެންޕީ އުފެއްދުމަށް އިލެކްޝަންސް ކޮމިޝަނަށް ފޯމް ހުށަހެޅުމަށް ތައްޔާރުވެފައި ވަނިކޮށެވެ. އެޕާޓީ އުފެއްދުމަށް ފުރަތަމަ ފަހަރު ވެސް 5000 ފޯމް ހުށަހަޅާނެ ކަމަށް އެމްއެންޕީން ބުނެފައިވެއެވެ.
ރާއްޖޭގެ މީޑިއާއަކުން ގެނެސްދިން ޕްރޮގްރާމެއްގައި މިދެ މެމްބަރުން ވިދާޅުވީ 5000 ފޯމްގެ ތެރޭގައި އެ ދެމެމްބަރުގެ ފޯމް ނޯންނާނެ ކަމަށާއި، އެޕާޓީއާއެކު ކުރަމުން އައި މަސައްކަތްތައް މިހާރު މަޑުޖައްސާލާފައިވާ ކަމަށެވެ.
މީގެ އިތުރަށް ވިދާޅުވީ އެމްއެންޕީގެ ފަރާތުން އުއްމީދުކުރި ކަންތައްތަކެއް މިހާތަނަށް ފެނިފައި ނުވާ ކަމަށެވެ. އަމިއްލަ ގޮތުން މަޖިލީހަށް ހޮވިވަޑައިގެންނެވި ދެ މެންބަރުން ވިދާޅުވީ ކުރިއަށް އޮތްތަނުގައި އެޕާޓީން ނުފެންނާނެ ކަމަށް ދަންނަވަން ދަތިކަމަށެވެ.
އެމްއެންޕީގެ އަމާޒަކީ 2023 ވަނަ އަހަރު އޮންނަ ރިޔާސީ އިންތިޚާބު ކާމިޔާބު ކުރުމެވެ. މި އިންތިޚާބުގައި އެ ޕާޓީގެ ކެންޑިޑޭޓަކު ވާދަކުރާނެ ކަމަށާއި، އަދި މި އިންތިޚާބު ކާމިޔާބުކުރެވޭނެކަމުގެ ޔަގީންކަން އެބައޮތް ކަމަށް އެޕާޓީން ބުނެއެވެ.
