ދާއިމީ ކޮމިޓީތަކަށް މެންބަރުން އިންތިޚާބުކުރުން މެންދުރު
ކޮމިޓީތަކުގައި ހިމެނުމަށް ނަން ނުފޮނުވަނީ ޖުމްހޫރީ ޕާޓީން
ރައްޔިތުންގެ މަޖިލީހުގެ ސަލާމަތީ ޚިދުމަތްތަކާބެހޭ ކޮމިޓީގެ ބައްދަލުވުމެއްގެ ތެރެއިން
ރައްޔިތުންގެ މަޖިލީހުގެ ދާއިމީ ކޮމިޓީތަކަށް މެންބަރުން އިންތިޚާބުކުރުން މެންދުރު 1:00 ގައި އޮންނާނެކަމަށް މަޖިލީހުގެ ރައީސް މުހައްމަދު ނަޝީދު ވިދާޅުވެއްޖެއެވެ.
ބުދަ ދުވަހުގެ މަޖިލީހުގެ ޖަލްސާ ފައްޓަވަމުން މަޖިލީހުގެ ރައީސް މުހައްމަދު ނަޝީދު ވިދާޅުވީ ރައްޔިތުންގެ މަޖިލީހުގައި ހިމެނޭ ސިޔާސީ ޕާޓީތަކުގެ ދަފްތަރަށް އައި ބަދަލާއި ގުޅިގެން މަޖިލީހުގެ ދާއިމީ ކޮމިޓީތަކުގައި ހިމެނިވަޑައިގަންނަވާ ސިޔާސީ ޕާޓީތަކަށް ނިސްބަތްވާ މެންބަރުންނާއި، ވަކި ޕާޓީއަކަށް ނިސްބަތްނުވާ މެންބަރުން ތަމްސީލުކުރާނެ ނިސްބަތަށް ބަދަލު އައިސްފައިވާ ކަމަށެވެ.
އެ ބަދަލާއެކު މަޖިލީހުގެ ދާއިމީ ކޮމިޓީތަކަށް މެންބަރުން އިންތިޚާބުކުރުމަށް ބުދަ ދުވަހުގެ 1:00 ގައި ވޯޓަށް އެހުމަށް ގަސްދުކުރައްވާ ކަމަށް މަޖިލީހުގެ ރައީސް ވަނީ ވިދާޅުވެފައެވެ. އެހެންކަމުން ކޮމިޓީތަކުގައި ތަމްސީލުކުރައްވާނެ މެންބަރުންގެ ނަންތައް 12 ޖެހުމުގެ ކުރިން މަޖިލީހުގެ އިދާރާއަށް ފޮނުވައިދިނުމަށް ވެސް ރިޔާސަތުން ވަނީ އެދިވަޑައިގަންނަވާފައެވެ.
އަދިވެސް ޖުމްހޫރީ ޕާޓީއިން މަޖިލީހުގެ އިދާރާއަށް ނަން ފޮނުވާފައި ނުވާ ކަމަށް ރިޔާސަތުން ވަނީ ވިދާޅުވެފައެވެ. ޖުމްހޫރީ ޕާޓީއަށް ނިސްބަތްވާ ދެ މެންބަރުން މަޖިލީހުގައި ތިއްބަވައެވެ. އެއީ މާމިގިލީ ދާއިރާގެ މެންބަރު އަދި ޖުމްހޫރީ ޕާޓީގެ ލީޑަރު ގާސިމް އިބްރާހީމާއި، ކެންދޫ ދާއިރާގެ މެންބަރު އަލީ ހުސައިންއެވެ.
މަޖިލީހުގައި މެންބަރުން ނިސްބަތްވެވަޑައިގަންނަވާ ގޮތް:
މީގެ އިތުރުން 20 ސެޕްޓެމްބަރުގައި ބޭއްވި މަޖިލީހުގެ ޖަލްސާގައި މަޖިލީހުގެ ދާއިމީ ކޮމިޓީތަކުގައި ހިމެނިވަޑައިގަންނަވާ ސިޔާސީ ޕާޓީތަކަށް ނިސްބަތްވާ މެންބަރުންނާއި، ވަކި ޕާޓީއަކަށް ނިސްބަތް ނުވާ މެންބަރުން ތަމްސީލްކުރާ ގޮތް ވަނީ ފާސްކޮށްފައެވެ.
