ފުރަތަމަ އަލުވި ސާފު ކުރުމަށްފަހު، 3 މިލިމީޓަރ ހުންނަ ވަރަށް ފޮތިކޮށް ކޮށާލާށެވެ. ދެން ޖަގެއް ނުވަތަ ބޯ ތައްޓެއްގެ ތެރެއަށް ކްރީމް، ގާލިކް، އަދި ބަޓަރ އަޅައިގެން ގިރާލާށެވެ. އެއަށްފަހު ޓްރޭއެއްގެ ތެރެއަށް އަލުވި ފޮތިތައް އަތުރާލުމަށްފަހު، ތައްޔާރު ކުރި ކްރީމް ލޭޔަރެއް އެޅުމަށްފަހު އަސޭމިރުހާ ތައިމީ އަދި ޗީޒް އަޅާލާށެވެ. ދެން މި ގޮތަށް ދޭއް ނުވަތަ ތިން ލޭޔަރަށް ރިޕީޓް ކޮށްލާށެވެ.

އެއަށްފަހު ފޮއިލް އިން ކަވަރ ކުރުމަށްފަހު 1 ގަޑި އިރާއި 15 މިނިޓް ފިހެލާށެވެ. އަލުވިތައް މަޑުވިތޯ ބެލުމަށް އުލަކުން ނޫނީ ވަޅިން އަކުން މެދުގައި ޖައްސާލާށެވެ. އެއަށްފަހު ފޮއިލް ނަގާފައި 15 މިނިޓް ފިހެލާށެވެ. ޗީޒްތައް ދިޔާވެ ބޮކިޖަހަންދެން ފިހެލަން ވާނެއެވެ.