ފްލަފީ ޔޯގަޓް ކޭކް

ފުރަތަމަ ބިހުގެ ރިނދޫ ބަޔާއި، ޔޯގަޓް، ކޭކް ފްލަރ، ކޯން ފްލަރ އަދި ކުޑަ ލޮނުކޮޅެއް އަޅައިގެން އެއްކޮށްލާށެވެ. ދެން ލުނބޯގެ ބޭރު ގާނާފައި އަޅައިގެން ހޭންޑް މިކްސަރ އަކުން ރަނގަޅަށް ގިރާލާށެވެ.

އެއަށްފަހު ބިހުގެ ހުދުބައިގެ ތެރެއަށް ލެމަން ޖޫސް އަޅައިގެން ގިރާލާށެވެ. ދެން ހަކުރު މަދު މަދުން އަޅަމުން ވިޕް ވަންދެން ގިރާށެވެ. ގިރާ ނިމުމުން ކުރިން ގިރި ކޭކް ފުށްގަނޑުގެ ތެރެއަށް ވިޕްކުރި ބައި އަޅައިގެން ރަނގަޅަށް ދެ ބައި އެއްކޮށްލާށެވެ. ދެން ޓްރޭއެއްގައި ފިހެލާށެވެ. ޓްރޭ ބަހައްޓާނީ އަވަނުގައި އިންނަ ދިގު ޓްރޭގެ ތެރެއަށް ހޫނު ފެން އަޅާފައެވެ. ފުރަތަމަ ފިހާނީ 150 ޑިގްރީގައި 30 މިނިޓް އަށެވެ. އެއަށްފަހު އަނެއްކާވެސް 140 ޑިގްރީގައި 30 މިނިޓެވެ. ދެން ފިނިކޮށްލައިގެން ކާލަން ވަރަށް މީރުވާނެއެވެ.