ބްރެޑް ޕިއްޒާ ޑިސްކް

ބޯ ތައްޓެއްގެ ތެރެއަށް ފިޔާ، ކެޕްސިކަމް، ޓޮމާޓޯ، ސްވީޓް ކޯން، ޗީޒް، އޮލިވް، އަސޭމިރުސް، އޮރިގާނޯ، މަސް، ޗިލީ ފްލޭކްސް، ލޮނު އަދި ޓޮމާޓޯ ސޯސް އަޅައިގެން ސަމުސަލުން ރަނގަޅަށް އެއްކޮށްލާށެވެ.

ދެން ޕާން ފޮތި ޑިސްކުގެ ބައްޓަމަށް ވަށްކޮށް ކަފާލާށެވެ. އެއް ފޮތި ވަށްކޮށް ކެފުމަށްފަހު، އަނެއްކާވެސް އެ ފޮތި ރިންގް ބައްޓަމަށް ލޭޔަރެއްހެން ކަފާލާށެވެ.

އެއަށްފަހު، ޗީޒް ސްޕްރެޑާއި، ބަޓަރާއި، ޓޯމާޓޯ ސޯސް، އަޅައިގެން އެއްކޮށްލުމަށްފަހު، ވަށްކޮށް ކަފާލި ޑިސްކު ޕާން ފޮތީގައި ސޯސް ހާކާލާށެވެ. އެއަށްފަހު ރިންގެއް ހެން ކަފާލި ޕާން ފޮތީގެ ބައި ޑިސްކު ޕާން ފޮތީގެ މަތީގައި ބަހައްޓާށެވެ. ދެން ކުރިން ތައްޔާރު ކުރި މަސްގަނޑު ޑިސްކު ޕާނު ފޮތީގެ މެދުގައި ހުރި ހުސް ޖާގައަށް ފަތުރާލާށެވެ.

އެއަށްފަހު، 180 ޑިގްރީގައި 12 މިނިޓް އަވަނުން ފިހެލާށެވެ. ފިހެ ނިމުމުން ކައިރި ފަށުގައި ބަޓަރު ހާކާލާށެވެ.