ފުށްގަނޑު ތައްޔާރުކޮށްލުމަށް ފުރަތަމަ ޖޯޑު ފުށާއި، ހަކުރާއި އީސްޓް އަޅައިގެން އެއްކޮށްލާށެއެވެ. އެއަށްފަހު، ހޫނު ފެން އަޅައިގެން ރަނގަޅަށް މޮޑެލާށެވެ. ތެޔޮ ސަމުސަލެއް އަޅައިގެން 5 މިނިޓްވަރު މޮޑެލުމަށްފަހު ކުޑަ ތެޔޮ ފޮދެއް ފުއްގަނޑުގައި ހާކާލާށެވެ. ދެން މަތި ޖަހާފައި 1 ގަޑި އިރު ބަހައްޓާށެވެ.

ކުކުޅު މަސްގަނޑު ތައްޔާރުކޮށްލުމަށް ކުކުޅާއި، ފޮނިތޮށި، ކޮރިއަންޑަރ، ޗިލީ ޕައުޑަރ، ގަރަމް މަސާލާ، ޖިންޖަރ، ގާލިކް، ސޯއީ ސޯސް އަދި ލޮނު އަޅައިގެން އެއްކޮށްލާށެވެ. ދެން ތަވައަކަށް 2 ސަމުސާ ތެޔޮ އެޅުމަށްފަހު، ކުކުޅު އަޅާ ރަނގަޅަށް ރޯ ފިލަންދެން ކައްކާލާށެވެ. ދެން އޭގެ ތެރެއަށް ފިޔާ، ކެޕްސިކަމް އަޅައިގެން 2 މިނިޓް ކައްކާލާށެވެ.

ދެން ސޭންޑްވިޗް ތައްޔާރުކޮށްލުމަށް، ކުރިން ބެހެއްޓި ފުށްގަނޑުން ތިން ގުޅަ ހެދުމަށްފަހު، ފުށްގުޅަ އޯވަލް ބައްޓަމަށް ދަމާލުމަށްފަހު، 15 މިނިޓް ވަންދެން ބަހައްޓާށެވެ. އެއަށްފަހު، މަޑު ގިނީގައި 5 މިނިޓް ފިހެލާށެވެ. ދެން ބަނަސް ކަފާހެން ކަފާލުމަށްފަހު، ޓޮމާޓޯ ސޯސް އާއި މަޔޮނައިސް އެއްކޮށްލުމަށްފަހު އެއްފަޅީގައި، ހާކާލާށެވެ. ދެން ކުކުޅު އެޅުމަށްފަހު، އޭގެ މަތީގައި އަނެއްކާވެސް ސޯސް ހޭކުމަށްފަހު މޮޒެރެއްލާ ޗީޒް ދެ ފޮތި އަޅާފައި އަނެއް ބައި ފޯލްޑް ކޮށްލާށެވެ. އެއަށްފަހު ގްރިލް ޕޭން އެއްގައި ތެޔޮ ހޭކުމަށްފަހު، މަޑު ގިނީގައި 2 މިނިޓް ފިހެލާށެވެ. މަސްރޮށި ފިހޭހެން ދެފާރަތް ރޯފިލާހެން ޕްރެސް ކޮށްލަން ވާނެއެވެ.