ކ. މާލެ
|
22 އޭޕްރިލް 2021 | ބުރާސްފަތި 08:48
އެމެރިކާގެ ކެލިފޯނިއާ ސްޓޭޓް
އެމެރިކާގެ ކެލިފޯނިއާ ސްޓޭޓް
ބިޒްނަސް އިންސައިޑަރ
އެމެރިކާއަށް ދަތުރުކުރުން މަނާ ލިސްޓް
ކޮވިޑްގެ ނުރައްކާ ބޮޑުވެ އެމެރިކާއަށް ދަތުރުކުރުން މަނާ ލިސްޓަށް 100ށް ވުރެ ގިނަ ގައުމު
 
އަލަށް އިތުރު ކުރި ގައުމުތަކުގެ ތެރޭގައި އިނގިރޭސިވިލާތާއި ފަރަންސޭސިވިލާތް، އިޒްރާއީލް، ކެނެޑާ އަދި މެކްސިކޯ ހިމެނޭ
 
އެމެރިކާއަށް ދަތުރުކުރުމުގައި 200 ގައުމަކާއި ދެކޮޅަށް 4 ގިންތިއަކަށް ބަހާލައިގެން ފިޔަވަޅު ވަނީ އަޅާފައި
 
އެމެރިކާއަކީ ކޮވިޑްގެ ގެއްލުން އެންމެ ބޮޑަށް ކުރިމަތިވި ގައުމު

ކޮވިޑްގެ ނުރައްކާ ބޮޑުވެ އެމެރިކާއަށް ދަތުރުކުރުން މަނާ ލިސްޓަށް 100ށް ވުރެ ގިނަ ޤައުމު އަރައިފިއެވެ.

އެމެރިކާގެ ސްޓޭޓް ޑިޕާޓްމެންޓުން އާއްމުކުރި އެންމެ ފަހުގެ ޓްރެވަލް އެޑްވައިޒަރީ ލިސްޓް ބުނާގޮތުން އެމެރިކާއަށް ދަތުރުކުރުމުގައި 200 ގައުމަކާއި ދެކޮޅަށް ވަނީ 4 ގިންތިއަކަށް ބަހާލައިގެން ފިޔަވަޅު އަޅާފައެވެ. އެގޮތުން ލެވެލް 1 އަދި 2 އަދި 3ގައި ދަތުރުކުރުމުގައި އެކި ކަހަލަ ސަލާމަތީ ފިޔަވަޅުތައް އެކަށައަޅައިގެން އެމެރިކާއަށް ދަތުރުކުރެވޭއިރު، ލެވެލް 4ކީ އެ ގައުމުތަކުގައި ކޮވިޑްގެ ހާލަތު އޮތްގޮތުން މިވަގުތު އެމެރިކާއަށް ދަތުރުކުރުން މަނާ ގައުމުތަކެވެ. މި ލިސްޓް މިދިޔަ އަންގާރަ ދުވަހު އަޕްޑޭޓްކޮށްފައި ވަނީ މި ހަފުތާގެ ހޯމަދުވަހު ލިސްޓަށް ބޮޑެތި ބަދަލުތަކެއް އަންނޭކަމަށް ސްޓޭޓް ޑިޕާޓްމެންޓުން އިއުލާންކުރުމަށް ފަހުއެވެ. އެގޮތުން ލެވެލް 4 ނުވަތަ "ޑޫނޮޓް ޓްރެވަލް" ގިންތީއަށް އިތުރު 116 ގައުމު އަންގާރަ ދުވަހު ވަނީ އިތުރުކޮށްފައެވެ.

އަލަށް މި ލިސްޓަށް އިތުރުކުރި ގައުމުތަކުގެ ތެރޭގައި އިނގިރޭސިވިލާތާއި ފަރަންސޭސިވިލާތާއި އިޒްރާއީލް، ކެނެޑާ އަދި މެކްސިކޯ ފަދަ އެމެރިކާއާއި ގާތް ގުޅުންތަކެއް އޮންނަ ގައުމުތަކެއް ހިމެނޭކަން ފާހަގަކޮށް ސްޓޭޓް ޑިޕާޓްމެންޓުން ވަނީ މިއީ ސިޔާސީ ކުޅިވަރެއް ނޫންކަމަށާއި މިއީ ކޮވިޑުން ރައްކާތެރިވުމަށް ސަރުކާރުން އެޅި ފިޔަވަޅެއްކަމަށް ބުނެފައެވެ. 4 ވަނަ ގިންތީގައި ހިމެނޭ އެން ގައުމުތަކަށް ބަލާއިރު، ފިންލެންޑް، މިސްރު، ބެލްޖިއަމް، ތުރުކީވިލާތް، އިޓަލީވިލާތް، ސްވިޒަލޭންޑް އަދި ސްޕެއިން ފަދަ ގައުމުތައްވެސް ހިމެނެއެވެ. ޗައިނާ އަދި ޖަޕާން ފަދަ ގައުމުތައް ހިމެނެނީ ލެވެލް 3 ނުވަތަ ރިކޮންސިޑަރ ޓްރެވަލް ގިންތީގައެވެ.

އެމެރިކާގެ ސްޓޭޓް ޑިޕާޓްމެންޓުން މިދިޔަ އަންގާރަ ދުވަހު ވަނީ ގައުމުގައި އިއުލާންކޮށްފައިވާ ސަލާމަތީ ފިޔަވަޅުތައް 30 ދުވަހަށް އިތުރުކޮށްފައެވެ. އަދި ކޮންމެހެން ކުރަންޖެހޭ ދަތުރެއް ނޫނީ ކުރިއަށް އޮތް 3 މަސްދުވަހު ނުކުރުމަށްވެސް ވަނީ އިލްތިމާސްކޮށްފައެވެ. އެމެރިކާއަކީ ކޮވިޑްގެ ގެއްލުން އެންމެ ބޮޑަށް ކުރިމަތިވި ގައުމެވެ.

އެންމެ ފަހުން އަޕްޑޭޓް ކުރީ: 3 ހަފްތާ ކުރިން
ރިވިއު ކުރީ: އިމާދު ލަތީފް
0%
0%
0%
0%
0%
0%
ކޮމެންޓް