ދުނިޔެ
ތޫފާން
އެމެރިކާއަށް އެރި ތޫފާނުގައި 11 މީހުން މަރުވެއްޖެ
މިހާރު ވަނީ ކުއްލި ހާލަތު އިއުލާން ކޮށްފައި
އަހުމަދު މުހުސިނު, ރާއްޖެ އެމްވީ | 22 ޖެނުއަރީ 2017 | އާދީއްތަ 23:17
އެމެރިކާގެ ޖޯޖިއާ: ތޫފާނުގައި 11 މީހުން ވަނީ މަރުވެފައި
އެމެރިކާގެ ޖޯޖިއާގެ ހޮނިހިރު ދުވަހު އައި ތޫފާނުގައި 11 މީހުން މަރުވެ 23 މީހުން ޒަޚަމްވެއްޖެއެވެ.
އެސަރަހައްދުގައި މިހާރު ވަނީ ކުއްލި ހާލަތު އިއުލާން ކޮށްފައެވެ.
ޤައުމީ މޫސުމާ ބެހޭ އިދާރާއިން ބުނާ ގޮތުގައި ފްލޮރިޑާގެ އުތުރަށާއި ޖޯޖިއާގެ ދެކުނަށް ތޫފާނުގެ އަސަރު އިތުރަށް ކުރާނެއެވެ.
މަރުވި 11 މީހުންގެ ތެރެއިން 7 މީހަކު މަރުވެފައިވަނީ ޕާކެއްގެ ތެރޭގައި ހުރި އެއްތަނުން އަނެއްތަނަށް އުފުލޭގޮތައް ހަދާފައި ހުންނަ ގެތަކަކުންނެވެ. އަދި އެތަނުގައި ހުރި ގިނައަދަދެއްގެ އެފަދަ ގެތައް ވަނީ ބިމާ ހަމަވެފައެވެ. ދިރި ހުރި މީހުން ހޯދުމަށް ކުއްލި ހާދިސާތަކުގައި ހަރަކާތްތެރިވާ ޓީމުތަކުން ދަނީ ހަރަކާތްތެރިވަމުންނެވެ.
