ބުދަ 26 ޖޫން 2019
10 އަދަ
1440 ޝައްވާލް 22
ފަތިސް 04:38
އިރުއަރާ 05:56
މެންދުރު 12:13
އަސްރު 15:36
މަޣްރިބް 18:21
އިޝާ 19:40
ދުނިޔެ - އެމެރިކާ

މުސްލިމް ޤައުމުތަކުން އެމެރިކާއަށް އެރުން ހުއްދަކުރި ހުކުމް އިސްތިއުނާފް ކޮށްފި

  • މުސްލިމުން އެމެރިކާއަށް އެރުން މަނާކުރި ޤަރާރު ބާތިލްކޮށްފައިވަނީ އެމެރިކާގެ ފެޑެރަލް ކޯޓަކުން

އަހުމަދު މުހުސިނު
dhonbandaara

ކ. މާލެ 8 ފެބުރުއަރީ 2017 | ބުދަ 01:21 1,512

މުސްލިމް 7 ޤައުމަކުން އެމެރިކާއަށް މަނާކުރާ ޤަރާރުގައި ރައީސް ޓްރަމްޕ ސޮއިކުރައްވަނީ - އެމްޑީޕީ

އެމެރިކާގެ ރައީސް ޑޮނަލްޑް ޓްރަމްޕްގެ ޤަރާރަކުން އެމެރިކާއަށް މުސްލިމް މެޖޯރިޓީ އޮންނަ ބައެއް ގައުމު ތަކުން މީހުން އައުން މަނާކުރި މަނާކުރުން ހުއްޓުވާ އެމެރިކާގެ ފެޑެރަލް ކޯޓުން ނިންމި ނިންމުން ބާތިލްކޮށްދިނުމަށް އެދި އެމެރިކާ ސަރުކާރުން ކޯޓުގައި އިސްތިއުނާފް ކޮށްފިއެވެ.

މުސްލިމް މެޖޯރިޓީ އޮންނަ 7 ޤައުމަކުން އެމެރިކާއަށް އެރުން މަނާކުރި ޤަރާރު ބާތިލްކޮށް ނެރުނު އަމުރު ސަރުކާރުން އިސްތިއުނާފް ކުރީ ސެންފްރެންސިސްކޯގައި ޤާއިމްކޮށްފައި ހުންނަ ސަރކިޓް ކޯޓް އޮފް އެޕީލްގައި ހޯމަ ދުވަހުއެވެ.

އެމެރިކާގެ ރައީސް ޑޮނަލްޑް ޓްރަމްޕް ނެރުއްވި ރިޔާސީ ގަރާރަށް ތަބާނުވުމަށް ކޯޓު އަމުރު ނެރުއްވީ އެމެރިކާގެ ކުރީގެ ރައީސް ޖޯޖް ޑަބްލިއު ބުޝް ވެރިކަމުގައި ފަނޑިޔާރުކަމަށް އައްޔަން ކުރެއްވި ޖޭމްސް ރޮބަޓް އެވެ.

އޭނާ އެ އަމުރު ނެރެފައިވަނީ ވޮޝިންޓަނާއި މިނެސޯޓާގެ އެޓާނީ ޖެނެރަލުން ކޯޓަށް ހުށަހެޅި މައްސަލައަކާ ގުޅިގެންނެވެ. އެގޮތުން އެމެރިކާގެ ހޯމްލޭންޑް ސެކިއުރިޓީ ޑިޕާޓްމެންޓުން ވަނީ ކޯޓުން އެ އަމުރު ނެރުނުތާ 24 ގަޑިއިރުވެސް ނުވަނީސް އެ އަމުރު ތަންފީޒުކުރަން ފަށާފައެވެ.

ޖޭމްސް ނެރުއްވި ބަޔާނުގައި ބުނީ ޓްރަމްޕްގެ ރިޔާސީ ގަރާރުގެ ސަބަބުން ގާނޫނު އަސާސީ އިން ލިބިދީފައިވާ ތައުލީމް ހާސިލް ކުރުމުގެ ހައްގާއި ވަޒީފާ އަދާކުރުމުގެ ހައްގުގެ އިތުރުން ދަތުރުފަތުރުކުރުމުގެ ހައްގަށްވެސް އަރައިގަނެވޭ ކަމަށެވެ.

އެމެރިކާއަށް އެރުން މަނާ ގައުމުތަކުގެ ލިސްޓުގައި ހިމެނެނީ އީރާން، އިރާގް، ލީބިޔާ، ސޫދާން، ޔަމަން،ސީރިޔާ އަދި ސޯމާލިޔާއެވެ.

ރައީސް ޓްރަމްޕް ވަނީ މި ގަރާރު ދެމެހެއްޓެވުމަށް ސްޕްރީމް ކޯޓަށް ވަޑައިގަންނަވާނެ ކަމުގެ އިންޒާރުވެސް ދެއްވާފައެވެ.

 

އެންމެ ފަހުން އަޕްޑޭޓް ކުރީ: 1 މަސްކުރި | ރިވިއު ކުރީ: ރާއްޖެ އެމްވީ

މި ލިޔުން ކިޔާލުމުން

ޚަބަރެއް ނުވަތަ މައުލޫމާތެއް ރާއްޖެއެމްވީ އަށް ދެއްވުމަށް [email protected] އަށް އީމެއިލް ކުރައްވާ ނުވަތަ 9110099 ނަންބަރަށް ގުޅުއްވާ.

އެންމެ ފަހުގެ

ކޮމެންޓް