ބްރެޑް އެޕަލް ޕައި
21 އެޕްރީލު 2021 | ބުދަ 10:33މިއީ މާ ގިނަ ބާވަތެއް ބޭނުން ނުކޮށް ތައްޔާރުކޮށްލެވިދާނެ ފޮނި ކާއެއްޗެއް
ބްރެޑް އެޕަލް ޕައި
ފުރަތަމަ ތަވައަކަށް ބަޓަރު އަޅާލާށެވެ. ބަޓަރުކޮޅު ދިޔާވުމުން އާފަލުކޮށާލުމަށްފަހު ތަވާގެ ތެރެއަށް އަޅައިގެން ބަޓަރާ އާފަލު އެއްކޮށްލުމަށްފަހު ހަކުރު، މާމުއި އަޅައިގެން މެދު މިނުގައި ހުޅުގަނޑު ބަހައްޓައިގެން ކައްކާށެވެ. ކެކެން ފެށުމުން އޭގެ ތެރެއަށް ފޮނިތޮށި ޕައުޑަރ އަޅާލާށެވެ. އެއަށްފަހު ޕާން ފޮތީގެ ހަތަރު ފަރާތް ކަފާލުމަށްފަހު ރޮށި ދަމާހެން ދަމާލާށެވެ.
ޕާން ފޮތީގެ މެދު ހުސްވާހެން ހަތަރު ފަރާތުގައި ފިއްސަކުން ބިސް ހާކާލާށެވެ. އެއަށްފަހު ޕާނުގެ އެއްފަރާތަށް އާފަލުކޮޅެއް އެޅުމަށްފަހު އަނެއް ފަރާތުގައި ވަޅިން ފަސް ރޮނގު ދަމާލާށެވެ. ރޮނގު ހުންނަ ބައި މައްޗަށް ވާހެން ފޯލްޑް ކޮށްލާށެވެ. ދެފާރާތް ރީތިކޮށް އެއްވަރަށް ކެފުމަށްފަހު މަތީގައި ބިސް ހާކާފައި 190 ޑިގްރީގައި 15 މިނިޓް ފިހެލާށެވެ.
