ޗައިނީޒް ބިރިޔާނީ

މިއީ ޗައިނާގެ ރަހަތައް ކަމުދާ ފަރާތްތަކަށް ތައްޔާރުކޮށްލެވިދާނެ ރަނގަޅު ކެއުމެކެއެވެ. ޚާއްސަކޮށް ބިރިޔާނީ މީރު ފަރާތްތަކަށް ރަނގަޅު ކެއުމެކެއެވެ. ބިރިޔާނީ ތައްޔާރުކުރާއިރު، ގޭގައި މީހުން ތިބޭ ޢަދަދަށް ބަލާފައި ބޭނުންވާ ތަކެތީގެ ޢަދަދު ގިނަކޮށްލެވިދާނެއެވެ.

ތެއްޔަކަށް ފެން އެޅުމަށްފަހު، ކުޑަކޮށް ހޫނުކޮށްލާށެއެވެ. ދެން ލޮނު، އަޖިނަމޮޓޯ އަޅައިގެން ރަނގަޅަށް ގިރާލާށެއެވެ. އެއަށްފަހު ފެން ހޫނު ވުމުން ހަނޑޫ އަޅާލާށެއެވެ.

ކުކުޅު ހަނާކޮށްލުމަށް، ތަވައަކަށް ތެޔޮ އެޅުމަށްފަހު، އޭގެ ތެރެއަށް ޖިންޖަރ ގާލިކް ޕޭސްޓް އަޅައިގެން ކުޑަކޮށް ރަތްކޮށްލުމަށްފަހު، ކުކުޅު ކޮޅު އަޅާލާށެއެވެ. ދެން ކުކުޅު ކުޑަކޮށް ރޯފިލުމުން ލޮނު އަޅާލާށެއެވެ. މުގުރި އަސޭމިރުހާއި، ޗިކަން ފްލޭކްސް، ޗިކެން ކިއުބްސް، ސްޕްރިންގް އޮނިއަން، ކެރޮޓް، ޕީސް، ފްރެންޗް ބީންސް، އެޅުމަށްފަހު، މަތިޖަހައިގެން ހުޅު މެދުމިނުގައި ބަހައްޓައިގެން 5 މިނިޓް ކައްކާލާށެއެވެ. ދެން ކެބެޖާއި ބެލްޕެޕަރ އަޅައިގެން އެއްކޮށްލުމަށްފަހު، 2 މިނިޓް ކައްކާލާށެއެވެ.

އެއަށްފަހު، އިތުރު ތެއްޔަކަށް ކުރިން ކެއްކި ބާސްމަތީ ބަތް ލޭޔަރެއް އެޅުމަށްފަހު، އޭގެ ތެރެއަށް ކުރިން ތައްޔާރުކުރި ކުކުޅުގެ ލޭޔަރެއް އަޅާލާށެއެވެ. ދެން މިގޮތަށް ރިޕީޓްކޮށްލާށެއެވެ. 2 ލޭޔަރު ރިޕީޓް ކުރުމަށްފަހު، މަތީ ލޭޔަރަށް ސޯޔާސޯސް އަޅާލުމަށްފަހު އަނެއްކާވެސް ރިޕީޓްކޮށްލާށެއެވެ. ދެން އެންމެ ފަހުން އެޅި ލޭޔަރުގެ މައްޗަށް 1 ޖޯޑު ފެން އަޅާލާށެއެވެ. އެއަށްފަހު 2 މިނިޓް ވަރު ކައްކާލާށެއެވެ. 2 މިނިޓް ކައްކާލުމަށްފަހު ބަތްގަނޑު އެއްކޮށްލާށެއެވެ.