ޗިކެން ތަންދޫރީ ކަޓްލެޓްސް

ތައްޓެއްގެ ތެރެއަށް ސޯއީ ސޯސް، ވިނެގަރ، ގާލިކް ޕޭސްޓް، ބްލެކް ޕެޕަރ އަދި ލޮނު އަޅައިގެން އެއްކުރުމަށްފަހު، ކުކުޅު ފޮތިތަކުގައި ރަނގަޅަށް ހާކާލާށެވެ. އެއަށްފަހު 2 ގަޑިއިރު މެރިނޭޓްކޮށްލަން ބަހައްޓާށެވެ. ދެން ތަވައަކަށް ކުޑަ ތެޔޮ ފޮދެއް އެޅުމަށްފަހު، މަޑު ގިނީގައި ކުކުޅު ކޮޅު ފްރައި ކޮށްލާށެވެ. ދެ ފަރާތް ރަނގަޅަށް ރޯފިލުމުން އުނދުން ނިންވާލާށެވެ.

ދެން ބޯތައްޓަކަށް އަލުވި، ރަހަލާ ވަރަށް ލޮނު ކޮޅަކާއި، ލެމަން ޖޫސް، މުގުރި މިރުސް، ތަންދޫރީ މަސާލާ، މުގުރި އަސޭމިރުސް، ގްރީން ޗިލީ ޕޭސްޓް، ކޯން ފްލަރ އަޅައިގެން ރަނގަޅަށް މޮޑެލާށެވެ. އެއަށްފަހު، އަތުގައި ކުޑަ ތެޔޮ ފޮދެއް ހޭކުމަށްފަހު، ގުޅަ ޖަހާހެން ކުރިން ފްރައި ކުރި ކުކުޅުން އެއް ފޮތި އަލުވި ގުޅަ ތެރެއަށްލާ ބަންދުކޮށް ގުޅަ ވަށާލާށެވެ. ދެން ބިހާ ފާރޮށި ކުނޑި ލުމަށްފަހު ތެލުލާށެވެ.