އަރަބި ސްޓައިލް ޗިކަން ޝަވަރުމާ

ފުރަތަމަ ޔޯގަޓް، ލޮނު، ޗިލީ ޕައުޑަރ، ރީނދޫ، އޮނިއަން ޕައުޑަރ، ގާރލިކް ޕައުޑަރ، ދިރި ޕައުޑަރ، ކޮރިއަންޑަރ ޕައުޑަރ، ބްލެކް ޕެޕަރ ޕައުޑަރ، ފޮނިތޮށި ޕައުޑަރ، ރެޑް ޗިލީ ފްލޭކްސް، ލެމަން ޖޫސް، އޮލިވް އޮއިލް، އަޅައިގެން ރަނގަޅަށް އެއްކޮށްލާށެއެވެ. އެއަށްފަހު ކުރިން ތުނިކޮށް ކޮށާލި ކުކުޅު ސްލައިސްތައް އަޅާ ކުކުޅުގެ ތެރެއަށް ވަންނަންދެން އެއްކޮށްލާށެއެވެ. ދެން މެރިނޭޓް ކުރުމަށް 2 ނުވަތަ 3 ގަޑިއިރު ބަހައްޓާށެއެވެ. ގަޑި ހަމަވުމުން މެރިނޭޓް ކުރި ކުކުޅު ކުޑަ ތެޔޮ ފޮދެއް ހާކާލުމަށްފަހު ފިހެލާށެއެވެ. ފިހެ ނިމުމުން ދިގުކޮށް ހުންނަހެން ކޮށާލާށެއެވެ.

ސެސަމީ ސީޑް، ލޮނުމެދު، ވިނެގަރ، ލެމަން ޖޫސް، މަޔޮނައިސް، ލޮނު، ބްލެކް ޕެޕަރ ޕައުޑަރ، އޮރިގާނޯ، އޮލިވް އޮއިލް މިކްސަރަށް އަޅާ ރަނގަޅަށް ގިރާލާށެއެވެ.

ބެލްޕެޕަރ، ފިޔާ އަޅައިގެން 3 މިނިޓް ކައްކާލާށެއެވެ. އެއަށްފަހު ރޮށީގައި ޗިލީ ގާލިކް ސޯސް ހާކާލާށެއެވެ. އޭގެ މަތީގައި ކުރިން ތައްޔާރު ކުރި ޝަވަރުމާ ސޯސް ވެސް ހާކާލާށެއެވެ. ދެން ފްރެންޗް ފްރައިޒް އާއި ލެޓިއުސް އާއި ކުރިން ތައްޔާރުކުރި ބެލްޕެޕަރ ފިޔާ، އަދި ގާކިން ޕިކަލްސް މި ތަރުތީބުން އަތުރާލާށެއެވެ. އެއަށްފަހު އޭގެ މައްޗަށް އަނެއްކާވެސް ޝަވަރުމާ ސޯސް އަޅާލާށެއެވެ. ދެން ރޮށި އޮޅާލުމަށްފަހު، ކުޑަ ބަޓަރުކޮޅެއް ހޭކުމަށްފަހު، 2 ނުވަތަ 3 މިނިޓް ވަންދެން ދެ ފުށް ފިހެވެންދެން ގްރިލް ކޮށްލާށެއެވެ.