ރާއްޖެ
އިންފޮމޭޝަން ކޮމިޝަނަރ
އިންފޮމޭޝަން ކޮމިޝަނަރުގެ މަގާމުން ފިޔާޒް އިސްތިއުފާދީފި
އިސްތިއުފާ ދިނީ އޮންލައިން ނޫހެއް ހިންގުމަށް
ޝިއުނާ ސޯލިހް, ރާއްޖެ އެމްވީ | 21 މާރިޗު 2021 | އާދީއްތަ 09:32
ހުސައިން ފިޔާޒް
އިންފޮމޭޝަން ކޮމިޝަނަރުގެ މަޤާމުން ހުސެއިން ފިޔާޒް މޫސާ އިސްތިއުފާދީފިއެވެ. އިތުބާރުހުރި ފަރާތަކުން މައުލޫމާތު ދިންގޮތުގައި ފިޔާޒު މަގާމުން އިސްތިއުފާ ދީފައިވަނީ އޮންލައިން ނޫހެއް ހިންގުމަށެވެ. އެހެންނަމަވެސް ފޯނަށް ޖަވާބު ނުދޭތީ، މިކަމާ ގުޅޭގޮތުން ފިޔާޒުގެ ބަހެއް އަދި ލިބޭގޮތްވަނީ ނުވެފައެވެ.
ފިޔާޒް އިސްތިއުފާ ދިންކަން ރައީސް އޮފީހުން ވެސް ވަނީ ކަށަވަރު ކޮށްދީފައެވެ.
އިންފޮމޭޝަން ކޮމިޝަނަަރުގެ މަޤާމަށް ފިޔާޒު އައްޔަން ކޮށްފައިވަނީ 31 އޮކްޓޯބަރު 2019 ގައެވެ. އިންފޮމޭޝަން ކޮމިޝަނަރަކީ މައުލޫމާތު ހޯދުމާއި ލިބިގަތުމުގެ ޤާނޫނުގެ ދަށުން ރައްޔިތުންގެ މަޖިލީހުން އައްޔަންކުރާ މަގާމެކެވެ. އިންފޮމޭޝަން ކޮމިޝަނަަރުގެ އޮފީހަކީ މި ޤާނޫނުގެ ދަށުން އުފައްދާފައިވާ އޮފީހެކެވެ.
