އަޒަރުބައިޖާންގެ ރައީސް ޗުއްޓީހޭދަކޮށްލުމަށް ރާއްޖެއަށް

އަޒަރުބައިޖާންގެ ރައީސް އިލްހާމް އަލީވް ޗުއްޓީހޭދަކޮށްލުމަށް ރާއްޖެ ވަޑައިގެންފިއެވެ.

ރާއްޖެޓީވީއަށް މައުލޫމާތުލިބިފައިވާ ގޮތުގައި އަޒަރުބައިޖާންގެ ރައީސް އިލްހާމް އަލީވް މަރޗް 18 ވަނަ ދުވަހު ރާއްޖެ ވަޑައިގެންފައިވަނީ އެމަނިކުފާނުގެ އާއިލާއާ އެކުއެވެ. އަދި އެމަނިކުފާނާ އެކު ގާތްގަނޑަކަށް 48 މެމްބަރުންގެ ޓީމެއް ވަނީ ރާއްޖެ އައިސްފައެވެ.

ރައީސް އިލްހާމް އަލީވް އާއި އެމަނިކުފާނުގެ އާއިލާ ޗުއްޓީހޭދަކުރައްވާނީ ވަން އެންޑް އޮންލީ ރީތިރަށް ރިސޯޓްގައެވެ. އެމަނިކުފާނު ރާއްޖޭގައި ދެ ހަފްތާ ހޭދަކުރައްވާނެކަމަށްވެއެވެ.

ކޮވިޑް-19ގެ މިހާލަތުގައި ގައުމެއްގެ ރައީސްއެއް ރާއްޖެއަށް ޗުއްޓީހޭދަކުރައްވަން ވަޑައިގަންނަވާނީ ރާއްޖެއަކީ ރައްކާތެރި މަންޒިލެއްގެ ގޮތުގައި ކަށަވަރުވުމުން ކަމަށް ގިނަ ފަރާތްތަކަކުން ފާހަގަކުރެއެވެ. އަދި މިއީ ރާއްޖެއަކީ ފަތުރުވެރިންނަށް ރައްކާތެރި މާހައުލެއްގެ ގޮތުގައި ކަށަވަރުކުރުމަށް ކުރެވެމުންދާ މަސައްކަތް ކާމިޔާބުވާ ކަމުގެ ހެއްކެކެވެ.

ޓޫރިޒަމް މިނިސްޓްރީގެ ތަފާސްހިސާބުތައް ދައްކާގޮތުން މިހާތަނަށް ރާއްޖެއައި ފަތުރުވެރިންގެ ތެރެއިން ކޮވިޑް-19ށް ޕޮޒިޓިވްވެފައި ވަނީ 0.21 އިންސައްތަ ފަތުރުވެރިންނެވެ.