ފުވައްމުލަކުގައި ހިނގި އެކްސިޑެންޓެއްގައި 2 މީހަކު ނިޔާވެއްޖެ
އަނިޔާވި 2 މީހުންވެސް ނިޔާވެއްޖެ
ލައިޝާ އަހްމަދު | 27 ފެބުރުއަރީ 2021 | ހޮނިހިރު 12:35
ޏ ފުވައްމުލަކު ނައިބުތުއްތު މަގުގައި ނުރައްކާތެރި އެކްސިޑެންޓެއް ހިނގާފައި
ޏ ފުވައްމުލަކުގައި ހިނގި ނުރައްކާތެރި ކާރު އެކްސިޑެންޓެއްގައި އަނިޔާވި 2 މީހުން ވެސް ނިޔާވެއްޖެއެވެ.
އެ ދެމީހުންވެސް ނިޔާވެފައިވާކަން ފުވައްމުލަކު ހޮސްޕިޓަލުން ރާއްޖެއެމްވީއަށް ވަނީ ކަށަވަރު ކޮށްދީފައެވެ.
މި އެކްސިޑެންޓު ހިނގީ ހޮނިހިރު ދުވަހު ހަވީރު 04:30 ހާއިރު ޏ ފުވައްމުލަކު ފުނާޑު އަވަށުގެ ނައިބު ތުއްތު މަގުގައެވެ. މި ހާދިސާގައި އަނިޔާ ލިބުނު މީހުންގެ ތެރެއިން އެކަކު ވަގުތުން ހޮސްޕިޓަލަށް ގެންދެވިފައިވާއިރު، އޭނާ ނިޔާވީ 16:50 ހާއިރު ކަމަށް ހޮސްޕިޓަލުން މައުލޫމާތު ދެއެވެ. އަދި ކާރު ތެރޭގައި ތާށިވެފައި އިންދައި ނަގައިގެން ހޮސްޕިޓަލަށް ގެންދިޔަ މީހާ ނިޔާވީ 17:04 ހާއިރުކަމަށް ހޮސްޕިޓަލުން މައުލޫމާތު ދެއެވެ.
