ފުވައްމުލަކުގައި ހިނގި އެކްސިޑެންޓެއްގައި 17 އަހަރުގެ ކުއްޖަކު މަރުވެއްޖެ
ކުއްޖާ ދުއްވި ސައިކަލު ފާރެއްގައި ޖެހި، ކޮންޓްރޯލް ނުވެ ގޮސް ހޮޅިދަނޑީގައި ޖެހުނު
އަލީ ޝާހީން | 6 އޯގަސްޓު 2025 | ބުދަ 04:55
ފުވައްމުލައް
ފުވައްމުލަކު ސިޓީގައި ރޭ ހިނގި ނުރައްކާތެރި އެކްސިޑެންޓެއްގައި 17 އަހަރުގެ ފިރިހެން ކުއްޖަކު މަރުވެއްޖެ އެވެ.
ފުލުހުން ބުނިގޮތުގައި، އެކްސިޑެންޓު ހިނގީ ފުނާޑު، ހުސްނުހީނާ މަގުގައެވެ. އެގޮތުން ކުއްޖާ ދުއްވާފައި ދިޔަ ސައިކަލު ފާރެއްގައި ޖެހި، ކޮންޓްރޯލް ނުވެ ގޮސް އެ ސަރަހައްދުގައި ހުރި މަގުބައްތިއެއްގެ ހޮޅިދަނޑީގައި ޖެހިފައިވާ ކަމަށް ފުލުހުން ބުންޏެވެ.
ރޭ 2:40 ހާއިރު ހިނގި މި އެކްސިޑެންޓުގައި 17 އަހަރުގެ ފިރިހެން ކުއްޖާ މަރުވީ، ފުވައްމުލަކު ހޮސްޕިޓަލްގައި ފަރުވާ ދެމުން ދަނިކޮށް 3:38 ހާއިރު ކަމަށް ހޮސްޕިޓަލުން މައުލޫމާތު ދިން ކަމަށް ފުލުހުން ބުންޏެވެ.
