ގިނަ ފަހަރަށް ގޭތެރޭގައި ހިފާފައި ހުންނަ އެކި ކަހަލަ ވަސްތައް ނައްތާލުން ވެފައި އޮންނަނީ އުދަނގޫ ކަމަކަށެވެ. މިފަހަރު މިގެނެސްދެނީ ވަރަށް ފަސޭހައިން ގޭތެރޭގައި ހިފާފައި ހުންނަ އެކި ޒާތްޒާތުގެ ވަސްތައް ނައްތާލާނެ ގޮތެކެވެ.
ގޭތެރޭގައި ހިފާފައި ހުންނަ އެކިކަހަލަ ވަސްތައް ފިލުވާލުމަށް ބޭނުންކުރެވިދާނެ ބައެއް ތަކެތި ދައްކުވައިދޭ ފޮޓޯއެއް
ކުޑަ ތައްޓެއްގެ ތެރެއަށް ½ ޖޯޑު ބޭކިންގ ސޯޑަރ އާއި އެއް ސައި ސަމުސާ ވެނީލާ އެކްސްޓްރެކްޓް އަޅާލުމަށްފަހު ރަނގަޅަށް އެއްކޮށްލާށެވެ. އެއަށްފަހު ގޭތެރޭގައި ވަސް ހިފާފައި ހުންނަ ތަންތަން މިސާލަކަށް ފްރިޖް، އަލަމާރި، ކޮޓަރި، ފަދަ ތަންތަނުގައި ބަހައްޓާށެވެ. ކޮންމެ ހަފްތާއަކު އެއްފަހަރު ނުވަތަ އައު ކުރަން ބޭނުންވެއްޖެ ހިނދެއްގައި މި މިކްސްޗަރ އައު ކުރާށެވެ.
ބޭކިންގ ސޮޑާއަކީ ނުބައި ވަސްތައް ނައްތާލުމުގެ ބާރު ލިބިފައިވާ މާއްދާއެކެވެ. ނުބައި ވަސްތައް ފިލުވާލުމުގައި މުހިއްމު ދައުރެއް އަދާކުރާނެއެވެ. ވެނީލާއިން މީރުވަސް މާހައުލަށް ގެނެސްދޭނެއެވެ.
