ފުވައްމުލަކު މޭޔަރ ކަމަށް ވާދަކުރާ ކެންޑިޑޭޓް ރަށު ބަހުން ދެއްކެވި ވާހަކަ ތަކުން އެތައް ބައެއްގެ ތައުރީފާއި ލޯބި
26 ފެބުރުއަރީ 2021 | ހުކުރު 03:37އެންމެ އަވަހަށް ހައްލު ބޭނުންވާ ބައެއް މައްސަލަ ތަކުގެ ތެރޭގައި މަގު ހެދުމާއި، ރަށްގިރުމުގެ މައްސަލަތަކާއި އިޖްތިމާއީ އަދި ސިއްހީ މައްސަލަތައް
ފުވައްމުލައް ސިޓީގެ މޭޔަރުކަމަށް ވާދަ ކުރައްވާ ކެންޑިޑޭޓް އިސްމާއިލް ރަފީގް
'ރަށްވެހި ފަތިސް' ކެމްޕޭން ލޯންޗު ކުރުމަށް ބުރާސްފަތި ދުވަހުގެ ރޭ ވަރޗުއަލްކޮށް ބޭއްވި ހާއްސަ ރަސްމިއްޔާތުގައި ފުވައްމުލައް ސިޓީގެ މޭޔަރުކަމަށް ވާދަކުރައްވާ އެމްޑީޕީގެ ކެންޑިޑޭޓް އިސްމާއިލް ރަފީގް ވާހަކަދައްކާވާފައި ވަނީ ފުވައްމުލަކުގެ ރީތި އަމިއްލަ ބަހުރުވައިންނެވެ.
އެގޮތުން ފުވައްމުލަށް ސިޓީއަށް ދިމާވެފައިވާ ދަތި ކަންތައްތަކާއި ރަށުގެ ރައްޔިތުންގެ ކަންބޮޑުވުންތަކުގެ އިތުރުން އެންމެ އަވަހަށް ހައްލު ބޭނުންވާ ބައެއް މައްސަލަތަކުގެ ތެރޭގައި މަގު ހެދުމާއި، ރަށްގިރުމުގެ މައްސަލަތަކާއި އިޖްތިމާއީ އަދި ސިއްހީ މައްސަލަތައް ވަނީ ފާހަގަކުރައްވާފައެވެ. އިސްމާއިލް ރަފީޤް އިތުރަށް ވިދާޅުވެފައިވަނީ ފުވައްމުލަށް އިތުރަށް އިޝްތިހާރުކޮށް ޕްރޮމޯޓް ކުރަންޖެހޭކަމަށާއި މަސްވެރިންނަަށް ބާނާ މަސް ކިރޭނެ ރަނގަޅު އިންތިޒާމްތަކެއް ހަމަޖެހިގެންދިއުމާއި ދަނޑުވެރިކަން ކުރިއަރުވާ ހާއްސަކޮށް ގަސްތަކަށްޖެހޭ ބަލިތައް ދެނެގަނެ އެބަލިތައް ނައްތާލުމަށް ކައުންސިލުން އެއްބާރުލުން ދެއްވާނެކަމަގެ ޔަޤީންކަން ދެއްވާފައެވެ.
ރަށުގެ ޒުވާނުން ވަޒީފާގެ ގިނަ ފުރުސަތުތަކަށް އެދި އެދި ތިބިކަމަށާއި މިކަން ހުޅުވިގެންދާނީ އިޤްދިސާދީ ހަރަކާތްތަށް އިތުރުކޮށްގެންކަމަށާއި އެފަދަ ކަންތައްތަކަށް ހާއްސަ އަހައްމިއްޔަތުކަމެއް ދެއްވާނެ ކަމަށް ވެސް އިސްމާއިލް ރަފީޤް ވިދާޅުވިއެވެ. އަދި ކައުންސިލް ހިންގުމުގައި ދެފުށް ފެންނަގޮތްތަކާއި ފަަހުގެ ޓެކްނޮލޮޖީ ބޭނުންކޮށްގެން ސްމާޓް ސިޓީއަކާ ދިމާއަށް ދަތުރުކުރައްވާނެ ކަމަށް ވެސް އިސްމާއިލް ރަފީޤް ވިދާޅުވިއެވެ.
އެޕްރީލް 10 ވަނަ ދުވަހު ބޭއްވުމަށް ހަމަޖެހިފައިވާ ލޯކަލް ކައުންސިލް އިންތިހާބަކީ ސަރުކާރަށް އިތުބާރު އޮތްމިންވަރު ބެލުމަށް ނެގިގެންދާނެ ވޯޓެއްނޫން ކަމަށާއި އަދި ބަދަލުހިފުމެއް ނޫންކަމަށާއި މި އިންތިހާބަކީ ރަށުގެ މެނޭޖްމަންޓް ޓީމެއް ނުވަތަ ރަށުގެ މެނޭޖަރެއް އަދި މޭޔަރެއް ހޮވުމަށް ބާއްވާ އިންތިހާބެއްކަމަށް ވިދާޅުވެ އިސްމާއިލް ރަފީޤްވަނީ ސަރުކާރުގެ ވައުދުތަށް ފުއްދުމަށް ހާއްސަކޮށް ފުވައްމުލަކު ރައްޔިތުންގެ ވިންދާއި އިހްސާސްތަކާ އެއްގޮތަށް ކައުންސިލް ހިންގުމަށް އެމްޑީޕީގެ ކެންޑިޑޭޓުންނަށް ވޯޓްދެއްވުމަށް އެދިފައެވެ.
