ހުޅުމާލޭ ޑިޓެންޝަން ސެންޓަރުން ފިލި ބިދޭސީއަކު ހޯދަނީ
10 ފެބުރުއަރީ 2021 | ބުދަ 17:14އޭނާ ފިލާފައިވަނީ ބުދަ ދުވަހުގެރޭ 19:27 ހާއިރު
ލައިޝާ އަހްމަދު | 10 ފެބުރުއަރީ 2021 | ބުދަ 17:14
32 އަހަރުގެ އަސަނަރ (ބަނގްލަދޭޝް)
ހުޅުމާލޭ ޑިޓެންޝަން ސެންޓަރުން ފިލި ބިދޭސީއަކު ހޯދުމުގެ މަސައްކަތް ފުލުހުންނާއި މޯލްޑިވްސް ކަރެކްޝަނަލް ސަރވިސް ގުޅިގެން ފަށައިފިއެވެ.
ބުދަ ދުވަހުގެރޭ ކަރެކްޝަންސްއިން ބުނީ، ފިލާފައިވަނީ އިމިގްރޭޝަން ޤާނޫނާއި ހިލާފުވެގެން ރާއްޖެއިން ފުރުވާލެވެންދެން ހުޅުމާލޭ ޑިޓެންޝަން ސެންޓަރުގައި ބެހެއްޓިފައިވާ ބިދޭސީއެއް ކަމަށެވެ. އޭނާ ފިލާފައިވަނީ ބުދަ ދުވަހުގެރޭ 19:27 ހާއިރު ކަމަށް ކަރެކްޝަންސްއިން މައުލޫމާތު ދެއެވެ.
ކަރެކްޝަންސްއިން މައުލޫމާތުދޭ ގޮތުގައި ފިލާފައިވަނީ 32 އަހަރުގެ އަސަނަރ ކިޔާ ބަނގްލަދޭޝް ރައްޔިތެކެވެ.
އޭގެ އިތުރުން، އޭނައާ ގުޅޭ އެއްވެސް މަޢުލޫމާތެއް ލިބިއްޖެނަމަ ކަރެކްޝަނަލް ސަރވިސްގެ ނަންބަރު 9886125ށް ރިޕޯޓުކޮށް ދިނުމަށް ވަނީ އެދިފައެވެ.
