ކ. މާލެ
|
17 ޖެނުއަރީ 2021 | އާދީއްތަ 22:29
އަފްގާނިސްތާނުގެ 2 ފަނޑިޔާރަކަށް ޙަމަލާދީ މަރާލާފައި - މި ޙަމަލާގެ ޒިންމާ ބަޔަކު ނަގާފައެއް ނުވޭ
އަފްގާނިސްތާނުގެ 2 ފަނޑިޔާރަކަށް ޙަމަލާދީ މަރާލާފައި - މި ޙަމަލާގެ ޒިންމާ ބަޔަކު ނަގާފައެއް ނުވޭ
ރޮއިޓަރސް
އަފްގާނިސްތާނުގެ ދެ ފަނޑިޔާރަކު މަރާާލުން
ބަޑިން ހަމަލާދީ އަފްގާނިސްތާނުގެ ސުޕްރީމް ކޯޓުގެ ދެ އަންހެން ފަނޑިޔާރަކު މަރާލައިފި
 
މިއީ ތާލިބާނުން ދިން ޙަމަލާއެއް ނޫން ކަމަށް އެ ޖަމާއަތުގެ ތަރުޖަމާނު ބުނޭ
 
އެ ޤައުމުގެ ސަލާމަތީ ބާރުތަކުން ގެންދަނީ މި މައްސަލަ ތަހުޤީޤު ކުރަމުން
 
ޙަމަލާ ދީފައިވަނީ އާދިއްތަ ދުވަހުގެ ހެނދުނުގެ ވަގުތެއްގައި

އަފްގާނިސްތާނުގެ ސުޕްރީމް ކޯޓުގެ ދެ އަންހެން ފަނޑިޔާރަކަށް ބަޑިން ޙަމަލާދީ މަރާލައިފިއެވެ.

އެ ޤައުމުގެ ފުލުހުންނާ ޙަވާލާދީ ރޮއިޓަރސްގައި ރިޕޯޓް ކޮށްފައިވާ ގޮތުން އާދިއްތަ ދުވަހުގެ ހެނދުނުގެ ވަގުތެއްގައި މި ދެ ފަނޑިޔާރުން މަރާލާފައިވާއިރު، ބަޑީގެ ޙަމަލާދިން މީހާ މިހާތަނަށް ހޯދިފައެއް ނުވެއެވެ. މި ޙަމަލާގައި އެ ފަނޑިޔާރުންގެ ޑްރައިވަރަށްވެސް އަނިޔާ ލިބިފައިވެއެވެ.

މިވަގުތު އެ ޤައުމުގެ ސަލާމަތީ ބާރުތަކުން ގެންދަނީ މި މައްސަލަ ތަހުޤީޤު ކުރަމުންނެވެ.

ރޮއިޓަރސްގައި ރިޕޯޓް ކޮށްފައިވާ ގޮތުން މި ޙަމަލާ ދީފައިވާ ދަނޑިވަޅަކީ ކާބުލްގެ އިތުރުންވެސް ބައެއް އިތުރު އަވަށްތަކުގައި އެކިކަހަލަ ހަމަލާތައް ބަދަލު ކުރަމުންދާ ދަނޑިވަޅެކެވެ.

މި ޙަމަލާ ކުށްވެރި ކުރައްވައި އަފްގާނިސްތާނުގެ ރައީސް އަޝްރަފް ގަނީ ވަނީ ތާލިބާނުންނާއި އެނޫންވެސް ހަނގުރާމަވެރި ޖަމާއަތްތައް ކުށްވެރި ކުރައްވާފައެވެ. އަދި އެ ޤައުމަށް ދިމާވެފައިވާ މައްސަލަތަކުގެ ހައްލަކީ އަނިޔާވެރިކަމާއި ބިރު ދެއްކުން ނޫން ކަމަށްވެސް ގަނީ ވިދާޅުވިއެވެ.

އެހެން ނަމަވެސް މިއީ ތާލިބާނުން ދިން ޙަމަލާއެއް ނޫން ކަމަށް އެ ޖަމާއަތުގެ ތަރުޖަމާނާއި ޙަވާލާދީ ރޮއިޓަރސްގައި ރިޕޯޓް ކޮށްފައިވެއެވެ.

އަފްގާނިސްތާނުގެ މަޝްރަހު ގޯސްވެފައިވާއިރު، ފާއިތުވި ދުވަސްތަކުގައިވެސް ނޫސްވެރިންނާއި، ސަރުކާރުގެ އޮފިޝަލުންގެ އިތުރުން، ސިޔާސީ އެކްޓިވިސްޓުންނަށް އެކި ކަހަލަ ޙަމަލާތައް އަމާޒުވެފައިވެއެވެ. މި ޙަމަލާތަކުގެ ސީދާ ޒިންމާވެސް ތާލިބާނުން އުފުލާފައެއް ނުވެއެވެ. އެހެން ނަމަވެސް، ސަރުކާރުގެ ބައެއް އިސްވެރިންނަށް ޙަމަލާދޭނެ ކަމަށް ދޭހަވާ މޭރުމުން އެ ޖަމިއްޔާއިން މީގެ ކުރިން އިންޒާރުތައް ދީފައިވެއެވެ.

އެންމެ ފަހުން އަޕްޑޭޓް ކުރީ: 3 ހަފްތާ ކުރިން
ރިވިއު ކުރީ: ނާޒުމީ ސައީދު
0%
0%
100%
0%
0%
0%
ކޮމެންޓް