ކ. މާލެ
|
18 މާރޗް 2017 | ހޮނިހިރު 16:28
ހަމަލާގައި މަރުވި ގިނަ މީހުންނަކީ އާއްމުން
ހަމަލާގައި މަރުވި ގިނަ މީހުންނަކީ އާއްމުން
ގޫގުލް
ސީރިއާގެ މިސްކިތަކަށް ހަމަލާދި
ސިރިއާގެ މިސްކިތަކަށް ވައިގެ މަގުން ހަމަލާދީ 42 މީހުން މަރަލައިފި
 
ރަޝިއާ އާއި ތުރުކީގެ ހަނގުރާމަމަތީ ބޯޓްތައް އެ ސަރަހައްދުން އުދުހިފައިވޭ
 
މި ހަމަލާ ދީފައިވަނީ ކޮންބައެއްކަމެއް ކަށަވަރެއް ނުވޭ

ސީރިއާގެ އުތުރުގައި އިދިކޮޅު ހަނގުރާމަވެރިންގެ ބާރުގެ ދަށުގައި އޮންނަ ސަރަހައްދެއްގެ މިސްކިތަކަށް ވައިގެ މަގުން ދިން ހަމަލާއެއްގައި 42 މީހުން މަރުވެއްޖެ ކަމަށް ސީރިއަން އޮބްޒަވޭޓޮރީ ފޮރ ހިއުމަން ރައިޓްސް އިން ބުނެފިއެވެ.

ބުނެވޭ ގޮތުގައި މި ހަމަލާދީފައިވަނީ ހަލަބުގެ އަލް ޖިނާހްގައެވެ.

ސީރިއާގައި ތިބޭ މީހުންގެ ފަރާތުން ލިބޭ މައުލޫމާތަށް ބިނާކޮށް، އިނގިރޭސިވިލާތުގައި ގާއިމްވެފައިވާ ސީރިއަން އޮބަޒަވޭޓްރީ ފޮރ ހިއުމަން ރައިޓްސްއިން ބުނީ ހަމަލާދިންވަގުތަކީ އަސުރު ނަމާދަށް މީހުން ޖަމާވެފައި އޮތް ވަގުތުކަމަށެވެ.

އެ ގްރޫޕުން ބުނެފައިވަނީ މަރުވި ގިނަ މީހުންނަކީ އާއްމުން ކަމަށެވެ.

މި ހަމަލާ ދީފައިވަނީ ކޮންބައެއްކަމެއް ކަށަވަރެއް ނުވެއެވެ. ނަމަވެސް ރަޝިއާ އާއި ތުރުކީގެ ހަނގުރާމަމަތީ ބޯޓްތައް އެ ސަރަހައްދުން އުދުހިފައިވެއެވެ.

މީގެ އިތުރުން އެމެރިކާގެ ބޯޓްތަކުންވެސް އެ ސަރަހައްދުގައި އުޅޭ ހަނގުރާމަވެރިންނަށް އަމާޒުކޮށް ހަމަލާތައް ދީފައިވެއެވެ.

މި ހަމަލާ އައިސްފައި މިވަނީ ދިމިޝްގުގެ މައި ކޯޓް ކޮމްޕްލެކްސްގައި އަމިއްލައަށް މަރުވެގެން ދިން ހަމަލާއެއްގައި 31 މީހުން މަރުވިތާ އެއްދުވަސް ތެރޭގައެވެ.

ދިމިޝްގުގައ ދެވުނު ބޮމުގެ ހަމަލާއަކީ ރައީސް ބަޝާރުލް އަސަދާ ދެކޮޅަށް ފެށުނު ހަމަނުޖެހުންތަކަށް ހަ އަހަރު ފުރުނު ދުވަހު ދީފައިވާ ހަމަލާއެކެވެ.

އެކްޓިވިސްޓުން ބުނާ ގޮތުން އެ ދުވަހުން ފެށިގެން މިހާތަނަށް 320،000 މީހުން މަރުވެ 11 މިލިއަން މީހުންވަނީ ގެދޮރު ގެއްލިފައެވެ.

 

 

އެންމެ ފަހުން އަޕްޑޭޓް ކުރީ: 3 ހަފްތާ ކުރިން
ރިވިއު ކުރީ: ހުސެން ފިޔާޒް
0%
0%
0%
0%
0%
0%
ކޮމެންޓް