ކ. މާލެ
|
10 މާރޗް 2017 | ހުކުރު 16:23
މި ހަމަލާ ދީފައިވަނީ ބުރާސްފަތި ދުވަހު ޖަރުމަނު ގަޑިން 21:00ގައި
މި ހަމަލާ ދީފައިވަނީ ބުރާސްފަތި ދުވަހު ޖަރުމަނު ގަޑިން 21:00ގައި
ބީބީސީ
ޖަރުމަނުގައި ބިރުވެރިކަން
ޖަރުމަނުގެ ރެއިލްވޭ ސްޓޭޝަނެެއްގައި ކޯރާޑިން ހަމަލާދީ ބަޔަކު ޒަޚަމްކޮށްލައިފި
 
މި މައްސަލައާއި ގުޅިގެން ފިރެހެނަކުވަނީ ހައްޔަރުކޮށްފައި
 
މި ހަމަލާ ދީފައިވަނީ ބުރާސްފަތި ދުވަހު ޖަރުމަނު ގަޑިން 21:00ގައި

ޖަރުމަނުގެ ހުޅަނގުގެ ސިޓީއެއްކަމަށްވާ ޑަސެލްޑޯފްގެ މައި ރެއިލް ސްޓޭޝަންގައި މީހަކު ކޯރާޑިއަކުން ހަމަލާދީ ހަތް މީހުން ޒަޚަމް ކޮށްލައިފި ކަމަށް ފުލުހުން ބުނެފިއެވެ.

މި ހަމަލާ ދީފައިވަނީ ބުރާސްފަތި ދުވަހުގެ ރޭ ޖަރުމަނު ގަޑިން 9:00 ހާ އިރުއެވެ.

މި މައްސަލައާއި ގުޅިގެން ފިރެހެނަކުވަނީ ހައްޔަރުކޮށްފައެވެ. ޑަސެލެޑޯފްގެ ފުލުހުން ބުނީ ހަމަލާދިން ކަމުގެ ތުހުމަތުގައި ހައްޔަރުކޮށްފައިވަނީ ނަފްސާނީ މައްސަލަތކެއް ދިމާވެފައި ހުރި ކުރީގެ ޔޫގޮސްލާވިއާގެ މީހެއްކަމަށެވެ. އޭނާއަކީ 36 އަހަރުގެ މީހެކެވެ.

ފުލުހުންބުނީ ހަމަލާދިން މީހާ  ހަމަލާ ދީފައިވަނީ ވަކި މީހެއް ބެލުމެއް ނެތި ކަމަށެވެ. އަދި އެއްވެސް މީހެއްގެ ފުރާނައަށް ނުރައްކާވެފައި ނުވި ނަމަވެސް އެކަކު ސީރިއަސް މިންވަރަކަށް ޒަޚަހްވެފައިވާ ކަމަށެވެ.

މީގެ އިތުރުން  ފުލުހުންނަށް ފިލުމަށް ބްރިޖްމަތިން ފުންމާލުމުން ހަމަލާދިން މީހާވެސް ޒަޚަމްވެފައިވާކަމަށް ފުލުހުން ބުންޏެވެ.

އޭނާއަށް ހޮސްޕިޓަލުގައި އަންނަނީ ފަރުވާ ދެމުންނެވެ.

ހަމަލާގައި އިތުރު މީހެއްގެ ބައިވެރިވުން އޮތްތޯ ބެލުމަށް ގިނަ އަދަދެއްގެ ފުލުހުން އެ ސަރަހައްދުގައި މަސައްކަތް ކުރަމުންދެއެވެ. ހަމަލާއާއި ގުޅިގެން ރެއިލްދަތުރުތައް ހުއްޓާލި ނަމަވެސް މިހާރު އަލުން ދަތުރުތައް ފަށާފައިވާކަމަށް މައުލޫމާތުލިބެއެވެ.

މި ހަމަލާ ދިން ސަބަބެއް އެނގިފައިނުވާއިރު މިއީ ޓެރެސްރިސްޓް ހަމަލާއެއްކަމަށް ފުލުހުން ސިފަކޮށްފައެއް ނުވެއެވެ.

 

އެންމެ ފަހުން އަޕްޑޭޓް ކުރީ: 4 ހަފްތާ ކުރިން
ރިވިއު ކުރީ: ރާއްޖެ އެމްވީ
0%
0%
0%
0%
0%
0%
ކޮމެންޓް