ބުދަ 25 ނޮވެންބަރު 2020
12 ނޮރަ
1442 ރަބީޢުލްއާޚިރު 09
ފަތިސް 04:38
އިރުއަރާ 05:54
މެންދުރު 11:57
އަސްރު 15:17
އިރުއޮއްސޭ 17:52
އިޝާ 19:08
ކޮވިޑް-19 ވެކްސިން

އެސްޓްރަޒެނެކާގެ ކޮވިޑް ވެކްސިން ޖެނުއަރީ މަހު އިންޑިޔާއަށް ލިބޭނެ

  • ސެރަމް އިންސްޓިޓިއުޓުން ވަނީ މިހާރުވެސް އެސްޓްރަޒެނެކާ އާއި އޮކްސްފޯރޑް ޔުނިވަރސިޓީ ގުޅިގެން އުފައްދަމުން އަންނަ ވެކްސިންގެ އެތައް މިލިއަން ޑޯޒެއް އުފައްދާފައި
  • އެސްޓްރަޒެނެކާގެ ވެކްސިންގެ ޓްރެއަލްތަކުގެ ނަތީޖާ ޑިސެމްބަރ މަހުގެ 24 އާ ހަމައަށް ލިބޭނެ

ކ. މާލެ | 20 ނޮވެންބަރ 2020 | ހުކުރު 22:58 | 7,340

އެސްޓްރަޒެނިކާއިން ކޮވިޑަށް އުފައްދަމުން އަންނަ ވެކްސިންގެ ސާމްޕަލެއް - އަލްޖަޒީރާ

އެސްޓްރަޒެނެކާ އިން ކޮވިޑް-19 އަށް އުފައްދާ ވެކްސިން ޖެނުއަރީ މަހު އިންޑިިޔާގެ ސިއްހީ މަސައްކަތްތެރިންނާއި ދުވަސްވީ މީހުންނަށް ދެވޭވަރުވާނެ ކަމަށް އެގައުމުން ބުނެފި އެވެ.

އިންޑިޔާއަކީ މިވަގުތު ދެވަނަ އަށް އެންމެ ގިނަ މީހުންނަށް ކޮވިޑް-19 ޖެހިގެން ރިޕޯޓްކުރަމުން އަންނަ ގައުމެވެ. އެގައުމުގައި މިހާތަނަށް އައިއިރު 9 މިލިއަން މީހުންނަށް ވަނީ ވައިރަސް ޖެހިފައެވެ.

އިންޑިޔާގެ ސެރަމް އިންސްޓިޓިއުޓުން ވަނީ މިހާރުވެސް އެސްޓްރަޒެނެކާ އާއި އޮކްސްފޯރޑް ޔުނިވަރސިޓީ ގުޅިގެން އުފައްދަމުން އަންނަ ވެކްސިންގެ އެތައް މިލިއަން ޑޯޒެއް އުފައްދާފައެވެ.

އެސްޓްރަޒެނެކާއިން ވަނީ ދުނިޔޭގެ އެތައް ފަރމަޝޫޓިކަލް ކުންފުނިތަކަކާއެކު ވެކްސިންގެ އިތުރު ޑޯޒްތައް އުފެއްދުމުގެ އެއްބަސްވުންތަކުގައި ސޮއިކޮށްފައެވެ.

އެސްޓްރަޒެނެކާ އާއި އޮކްސްފޯރޑް ޔުނިވަރސިޓީ ގުޅިގެން ކޮވިޑް-19 އަށް އުފައްދަމުން އަންނަ ވެކްސިނުން އުމުރުން ދުވަސްވީ މީހުންގެ ދިފާއީ ނިޒާމު ވައިރަސްއާ ދެކޮޅަށް މަސައްކަތް ކުރާ ކަމަށް ވަނީ ހާމަވެފައެވެ. އެސްޓްރަޒެނެކާގެ ވެކްސިންގެ ޓްރެއަލްތަކުގެ ނަތީޖާ ޑިސެމްބަރ މަހުގެ 24 އާ ހަމައަށް ލިބޭނެ ކަމަށް އޮކްސްފޯރޑް ވެކްސިން ގްރޫޕުން ބުނެއެވެ.

އަނެއްކޮޅުން ފައިޒަރ އާއި މޮޑާނާގެ ވެކްސިންގެ އެންމެ ފަހުގެ ޓްރެއަލްތަކުގެ ނަތީޖާއިން އެކުންފުނިތައް އުފައްދަމުން އަންނަ ވެކްސިންތަކަކީ 90 އިންސައްތަ ކާމިޔާބު ވެކްސިންތަކެއްކަން ވަނީ ހާމަވެފައެވެ.

އިންޑިޔާއިން އަންނަނީ މި ދެ ކުންފުނިން އުފައްދަމުން އަންނަ ވެކްސިންތައް ހޯދުމަށްވެސް ވާހަކަތައް ދައްކަމުންނެވެ. ނަމަވެސް އިންޑިޔާގެ އާބާދީ ބޮޑުވުމުން ބޭނުންވާ މިންވަރަށް ޑޯޒް ލިބުމުގައި ދަތިތަކެއް ހުރިކަމަށް މިދިޔަ ހަފްތާގައި އެގައުމުގެ ބޮޑު ވަޒީރަށް ލަފާދޭ ކޮމިޓީން ވަނީ ބުނެފައެވެ.

އެސްޓްރަޒެނެކާ ވެކްސިން ބޭނުންކުރުމުގެ ހުއްދަ އިނގިރޭސިވިލާތުން ދިނުމާއެކު އިންޑިޔާގައި އެވެކްސިން އެމަރޖެންސީކޮށް ބޭނުންކުރަން ފަށާނެކަމަށް އެގައުމުން ބުނެއެވެ.

ޓްރެއަލްގައި ވެކްސިން ލިބެން ހުންނާނީ 5 ޑޮލަރާއި 6 ޑޮލަރާ ދެމެދުގައި ކަމަށާއި ނަމަވެސް އިންޑިޔާގެ ސަރުކާރުން ވެކްސިން ގަންނާނީ އެއަށްވުރެ ދަށް އަގެއްގައި ކަމަށްވެސް އިންޑިޔާއިން ބުނެއެވެ.

އިންޑިޔާގެ މުޅި އާބާދީ ކަމަށްވާ 1.3 ބިލިއަން މީހުންނަށް ވެކްސިން ދިނުމަށް ދެތިން އަހަރު ނަގާނެކަމަށް ބެލެވެއެވެ.

އެންމެ ފަހުން އަޕްޑޭޓް ކުރީ: 4 ދުވަަސް ކުރިން | ރިވިއު ކުރީ: އަބުދުﷲ ނަސީރު އިބްރާހިމް

މި ލިޔުން ކިޔާލުމުން

ޚަބަރެއް ނުވަތަ މައުލޫމާތެއް ރާއްޖެއެމްވީ އަށް ދެއްވުމަށް [email protected] އަށް އީމެއިލް ކުރައްވާ ނުވަތަ 3007773 ނަންބަރަށް ގުޅުއްވާ.