ލަންކާއިން އާދިއްތަ ދުވަހު އެކަނިވެސް 100ށް ވުރެ ގިނަ މީހުން ޕޮޒިޓިވްވެއްޖެ
12 އޮކްޓޯބަރު 2020 | ހޯމަ 06:20ޕޮޒިޓިވްވި މީހުންގެ ޖުމްލަ އަދަދަކީ 4752
އަޒްލިފާ އަބްދުﷲ | 12 އޮކްޓޯބަރު 2020 | ހޯމަ 06:20
ކޮވިޑް-19 ސާމްޕަލް ލެބޯޓަރީގައި ޓެސްޓް ކުރަނީ
ސްރީ ލަންކާއިން އާދިއްތަ ދުވަހު އެކަނިވެސް 100ށް ވުރެ ގިނަ މީހުން ކޮވިޑް-19 އަށް ޕޮޒިޓިވް ވެއްޖެއެވެ.
ރިޕޯޓްތައް ބުނާގޮތުން އާދިއްތަ ދުވަހު 124 މީހަކު ވަނީ ޕޮޒިޓިވްވެފައެވެ. ޕޮޒިޓިވްވީ މީހުންގެ ތެރެއިން ތެރެއިން 121 މީހުންނަކީ މިނުވަންގޮޑާ ގާމެންޓް ފެކްޓްރީ ކްލަސްޓަރއާ ގުޅުންހުރި މީހުންނެވެ. ޕޮޒިޓިވްވި އަނެއް ތިން މީހުންގެ ތެރޭގައި ހިމެނެނީ އޮމާންއިން ލަންކާއަށް ދިޔަ މީހަކާއި ކުވެއިތުން ލަންކާއަށް ދިޔަ މީހެކެވެ.
އެއާއި އެކު ލަންކާއިން ކޮވިޑް ޖެހިފައިވާ މީހުންގެ ޖުމްލަ އަދަދު ވަނީ 4752ށް އަރާފައެވެ. ލަންކާއިން ޕޮޒިޓިވްވި މީހުންގެ ތެރެއިން މިހާތަނަށް 3307 މީހަކު ވަނީ ބަލިން ފަސޭހަވެފައެވެ. މި ބަލީގައި ލަންކާއިން މަރުވެފައިވަނީ 13 މީހެކެވެ.
