ހުކުރު ދުވަހު ރެކޯޑު އަދަދަކަށް ކޮވިޑް-19ގެ ކޭސްތައް ރިޕޯޓުކޮށްފައިވާކަމަށް ދުނިޔޭގެ ސިއްހަތު ޖަމިއްޔާ (ޑަބްލިއުއެޗްއޯ) އިން ބުނެފިއެވެ.
ޑަބްލިއުއެޗްއޯ އިން ބުނީ ހުކުރު ދުވަހު 350،000 ށް ވުރެ ގިނަ ކޭސްތައް ރިޕޯޓުކޮށްފައިވާ ކަމަށާއި މިއީ މިހާތަނަށް ކޮވިޑްގެ އެންމެ ގިނަ ކޭސްތައް ރިޕޯޓު ކުރި ދުވަސް ކަމަށެވެ.
ހުކުރު ދުވަހު މުޅި ޖުމްލަ 350،766 ކޭސް ރިޕޯޓުކޮށްފައިވާއިރު ޔޫރަޕުން 109،000 ކޭސް ރިޕޯޓުކޮށްފައިވެއެވެ.
ހުކުރު ދުވަހު ބޭއްވި ނޫސްވެރިންގެ ބައްދަލުވުމެއްގައި ވާހަކަދައްކަވަމުން ޑަބްލިއުއެޗްއޯގެ އިމަރޖެންސީސްގެ ޗީޕް ޑރ. މައިކަލް ރަޔާން ވަނީ އަިވެސް ދުނިޔޭގައި ކޮވިޑުގެ ބަލިމަޑުކަން ގަދަޔަށް ފެތުރެމުންދާ ކަން ފާހަގަކުރައްވާފައެވެ. އޭނާ ވިދާޅުވީ ސަރުކާރުތަކުން މަސައްކަތް ކުރަންވީ ރައްޔިތުންގެ ފުރާނަ ސަލާމަތް ކުރުމަށް ކަމަށާއި އެގޮތުން ގިނަ ފިޔަވަޅުތައް އަދިވެސް އަޅަން ޖެހޭ ކަމަށެވެ.
މިހާތަނަށް 36 މިލިއަން ކޭސް ރިޕޯޓުކޮށްފައިވާއިރު މި ބަލީގައި 1 މިލިއަނަށް ވުރެ ގިނަ މީހުން ވަނީ ދުނިޔެ ދޫކޮށްފައެވެ.
