ކ. މާލެ
|
1 އޮކްޓޯބަރ 2020 | ބުރާސްފަތި 12:32
ޕްރޮސެކިއުޓަރ ޖެނެރަލް (ޕީޖީ) ހުސައިން ޝަމީމް- މިއީ ޕީޖީ ކަމުގެ މަޤާމުގައި ހުންނަވައި ހައިކޯޓުގައި ވަކާލާތު ކުރެއްވި ފުރަތަމަ މައްސަލަ
ޕްރޮސެކިއުޓަރ ޖެނެރަލް (ޕީޖީ) ހުސައިން ޝަމީމް- މިއީ ޕީޖީ ކަމުގެ މަޤާމުގައި ހުންނަވައި ހައިކޯޓުގައި ވަކާލާތު ކުރެއްވި ފުރަތަމަ މައްސަލަ
މުހައްމަދު ޝަރުހާން
ޒިޔާދާގެ މަރުގެ މައްސަލަ
ޕީޖީގެ މަޤާމުގައި ހުންނަވައި ހައިކޯޓުގައި ވަކާލާތު ކުރެއްވި ފުރަތަމަ ކޭސް ތާރީޚީ ކޭސްއަަކަށް!
 
އިތުރު ދައުވާތައްވެސް ސާބިތު ކުރެވޭނެ ކަމަށް އުއްމީދު ކުރައްވާ
 
ފުރަތަމަ ފަހަރަށް އަނބިމީހާ ރޭޕް ކުރުމުގެ ކުށުގެ ދައުވާ މިވަނީ ސާބިތުވެފައި
 
އެއީ ޒިޔާދާގެ މަރާ ގުޅިގެން ހައިކޯޓަށް ހުށަހަޅާފައިވާ އިސްތިއުނާފް މައްސަލަ

ޕްރޮސެކިއުޓަރ ޖެނެރަލް (ޕީޖީ) ގެ މަޤާމާ އަލްއުސްތާޛު ހުސައިން ޝަމީމް ޙަވާލުވެވަޑައިގެންނެވި ފަހުން ހައިކޯޓުގައި ވަކާލާތު ކުރެއްވި ފުރަތަމަ ކޭސް ތާރީޚީ ކޭސްއަކަށް ވެއްޖެއެވެ.

މި މައްސަލަ އަކީ ޖިންސީ އަދި ޖިސްމާނީ އަނިޔާތަކުގެ ސަބަބުން މަރުވި, ގދ. ތިނަދޫ, ތޭންކު، ޒިޔާދާ ނައީމްގެ މަރުގެ މައްސަލައިގައި އޭނާގެ ކުރީގެ ފިރިމީހާ އިބްރާހިމް ޝާހުގެ މައްޗަށް ކުށް ސާބިތު ނުވާ ކަމަށް ކްރިމިނަލް ކޯޓުން ނިންމުމުން، ހައިކޯޓަށް ހުށަހަޅާފައިވާ އިސްތިއުނާފް މައްސަލައެވެ. އެގޮތުން މި މައްސަލައިގައި ބުރާސްފަތި ދުވަހު ހައިކޯޓުން ޙުކުމް ކޮށްފައިވާއިރު، ޝާހުގެ މައްޗަށް ވަނީ އަނބިމީހާ ރޭޕް ކުރުމުގެ ދައުވާ ސާބިތުވެ 3 އަހަރުގެ ޖަލު ޙުކުމެއް އިއްވާފައެވެ.

މި މައްސަލައަކީ ޕީޖީގެ މަޤާމާ ޙަވާލުވެވަޑައިގެންނެވުމަށްފަހު ހައިކޯޓުގެ އަޑުއެހުމެއްގައި ޕީޖީ ހުސައިން ޝަމީމް ވަކާލާތު ކުރެއްވި ފުރަތަމަ މައްސަލައެވެ. އަދި މިއީ ޤާނޫނުލްއުޤޫބާތުގެ ދަށުން ފުރަތަމަ ފަހަރަށް އަނބިމީހާ ރޭޕް ކުރުމުގެ ކުށުގެ ދައުވާ މީހެއްގެ މައްޗަށް ސާބިތުވި ފުރަތަމަ ފަހަރުވެސް މެއެވެ.

އެކަމާ ގުޅޭގޮތުން ޕީޖީ ހުސައިން ޝަމީމް ކުރެއްވި ޓްވީޓެއްގައި ވަނީ މިއީ ޖިނާއީ އަދުލުގެ ނިޒާމަށް ލިބިގެންދިޔަ ބޮޑު ކާމިޔާބީއެއްގެ ގޮތުގައި ސިފަ ކުރައްވާފައެވެ. އެގޮތުން ޕީޖީ ވިދާޅުވީ، "މެރިޓަލް ރޭޕް" އަކީ ޖިނާއީ ޤާނޫނުގައި ވެސް ބަޔާން ކޮށްފައިވާ މަފުހޫމަކަށްވާއިރު، މި ޙުކުމާއެކު ޝަރުއީ ނިޒާމުގައިވެސް މެރިޓަލް ރޭޕްގެ މައްސަލަތައް "ރިކޮގްނިޝަން" ލިބިގެން ދާނެ ކަމަށެވެ.

ޕީޖީ ވިދާޅުވީ، މި މައްސަލައިގައި ޝާހުގެ މައްޗަށް އުފުލާފައިވާ އިތުރު ދައުވާތައް ވެސް ސާބިތު ކުރެވޭނެ ކަމަށް އުއްމީދު ކުރައްވާ ކަމަށެވެ.

ޒިޔާދާގެ ކުރީގެ ފިރިމީހާ ގދ. ތިނަދޫ، ޖަވާހިރުމާގޭ ދެކުނު، އިބްރާހިމް ޝާހުގެ މައްޗަށް ދައުލަތުން އުފުލީ ހަތަރު ދައުވާ އެކެވެ. އެއީ ފިރިމީހާ, އަނބިމީހާ ރޭޕް ކުރުމުގެ ދައުވާ އާއި މީހަކު މަރުވެ ދިއުމުގެ ފަރުވާ ކުޑަ އަމަލެއް ކުރުމުގެ ދައުވާ އާއި މީހަކު މަރުވެ ދިއުމުގެ އިހުމާލުގެ އަމަލެއް ކުރުމުގެ ދައުވާ އާއި އޮރިޔާން ކާޑު ގެންގުޅުމުގެ ދައުވާ އެވެ.

މީގެ ހަތަރު އަހަރު ކުރިން 2015ގެ ޑިސެމްބަރ 28 ގައި ޒިޔާދާ މަރުވި މައްސަލައިގައި ފުލުހުން ބުނެފައި ވަނީ ޝާހު ގަދަކަމުން ޖިންސީ އަދި ޖިސްމާނީ އަނިޔާ ކުރި ކަމަށް ތަހުގީގަށް އެނގިފައިވާ ކަމަށެވެ. އަދި ޒިޔާދާގެ އޮޓޯޕްސީ ރިޕޯޓުން ވެސް އޭނާއަށް ޖިސްމާނީ މައްސަލަތައް ކޮށްފައިވާކަން ފާހަގަވެފައިވާކަން ފުލުހުން ފާހަގަކުރިއެވެ.

ފުލުހުން ތުހުމަތު ކުރާ ގޮތުގައި، ޝާހު، ޒިޔާދާއަށް އަނިޔާ ކުރީ އެ ދެމީހުން ވަކިން ދިރިއުޅެމުން ދަނިކޮށެވެ. ޒިޔާދާ މަރުވުމުގެ ކުރިން ވަނީ ދެ ފަހަރެއްގެ މަތިން ގދ. ތިނަދޫގައި ހުންނަ ޑރ. އަބްދުއްސަމަދު މެމޯރިއަލް ހޮސްޕިޓަލަށް ދައްކައިފަ އެވެ. އަދި މާލޭގައި ހުންނަ ޑރ. ޔަގާނެގީ ކްލިނިކަށް ވެސް ދެއްކި އެވެ. އޭނާ މަރުވީ އޭގެފަހުން އައިޖީއެމްއެޗްގައި ފަރުވާ ދެމުން ދަނިކޮށެވެ.

ޒިޔާދާގެ މަރުގެ މައްސަލާގައި، މިދިއަ އަހަރުގެ މާރޗް މަހުގެ 21 ވަނަ ދުވަހު، ޝާހުގެ މައްޗަށް އުފުލި އެ ހަތަރު ދައުވާ ވެސް ސާބިތު ނުވާ ކަމަށް ކްރިމިނަލް ކޯޓުގައި އެ މައްސަލަ ބެއްލެވި ގާޒީ އިބްރާހިމް އަލީ ވަނީ ހުކުމް ކުރައްވައިފަ އެވެ. އެ ހުކުމާއެކު ގިނަ ފާޑުކިޔުންތަކެއް ކޯޓުތަކަށާއި ޝާހު އަށް އަމާޒުވިއެވެ.

އެންމެ ފަހުން އަޕްޑޭޓް ކުރީ: 1 ހަފްތާ ކުރިން
ރިވިއު ކުރީ: ސިމާހާ ނަސީމް
9%
91%
0%
0%
0%
0%
ކޮމެންޓް
2 އޮކްޓޯބަރ 2020 | ހުކުރު 03:29
މުހަންމާ
ހަމަހިނި އަންނަނީ، މި ކަލޭގެ ހެޔޮނިޔަތުގައި ވާ ޚިޔާނާތަކި އަމާނާތުގެ ގޮތުގައި ވެވޭ ޚިޔާނާތެކޭ ބުނި ޖާހިލަކަށް ވާތީ.....
ގުޅުންހުރި
މަޖިލިސް އިންތިޚާބާ ގުޅިގެން އެޕްރީލް 21 އަދި 22 އަކީ، ސަރުކާރު ބަންދު ދެ ދުވަހުގެ ގޮތުގައި ރައީސް ހަމަޖައްސަވައިފި
13 އަހަރުގެ ކުއްޖާ ރަހީނުކޮށް މަރާލި މައްސަލައިގައި ދައުވާ އުފުލި ކުޑަކުއްޖާގެ މައްޗަށް ކުށް ސާބިތުވެއްޖެ
އިސްރާއީލްގެ ހަމަލާއެއްގައި ޣައްޒާގެ ފުލުހުންގެ އޮޕަރޭޝަންތަކުގެ އިސްވެރިޔާ ޝަހީދުކޮށްލައިފި
ދިރާސީ އައު އަހަރު ބަދަލުކުރީ ފިސްކަލް އައު އަހަރާއި އެލައިންކޮށް އެއްގޮތްކުރުމަށް - މިނިސްޓަރު
ބެޑްމިންޓަން އެސޯސިއޭޝަނާ ގުޅޭ ކޮރަޕްޝަންގެ ތުހުމަތުތަކެއް އޭސީސީން ތަހުގީގުކުރަނީ
"ވ.ކެޔޮދޫ ސްކޫލްގެ 4 ބުރީގެ އިމާރާތުގެ މަސައްކަތުގެ އެއްބަސްވުމުގައި ސޮއިކުރާތާ 400އެއްހާ ދުވަހުގެތެރޭގައި އެ މަސައްކަތް ނިމޭނެ"
އުރީދޫ އާއި ޤިބްލަ ހައްޖު އަދި އުމްރާ ގުރޫޕާއެކު ކަސްޓަމަރުންނަށް ހާއްސަ އުމްރާ ދެ ދަތުރު ހޯދުމުގެ ފުރުސަތު!
ގިރާވަރުފަޅު ލޭންޑް ޔޫސް ޕްލޭނާގުޅޭ މަޝްވަރާއަށް ގޯތި ލިބުނު މީހުންނާ ބައްދަލުކުރަނީ