ސައުދީގައި ޕޮޒިޓިވްވި މީހުންގެ އަދަދު ދަށްވެ ރަނގަޅުވި މީހުންގެ އަދަދު އިތުރުވެއްޖެ

ސައުދި އަރަބިއްޔާގައި ފާއިތުވި 24 ގަޑިއިރު ތެރޭގައި ކޮވިޑް-19 އަށް ޕޮޒިޓިވްވި މީހުންގެ އަދަދު ދަށްވެ ބަލިން ރަނގަޅުވި މީހުންގެ އަދަދު އިތުރުވެއްޖެ އެވެ.

ސައުދީގެ ހެލްތް މިނިސްޓްރީން ހާމަކޮށްފައިވާގޮތުން ފާއިތުވި 24 ގަޑިއިރު ތެރޭގައި ކޮވިޑް-19 އަށް ޕޮޒިޓިވްވެ ވެފައިވަނީ 621 މީހުންނެވެ. އަދި ބަލިން ރަނގަޅުވި މީހުންގެ އަދަދަކީ 982 އެވެ.

ބުދަ ދުވަހު އެންމެ ގިނައިން މީހުން ޕޮޒިޓިވް ވެފައިވަނީ މައްކާއިންނެވެ. އެގޮތުން މައްކާއިން 88 ކޭސްއެއް ވަނީ ރިޕޯޓްކޮށްފައެވެ.

މިހާތަނަށް ސައުދީން 327،551 މީހަކު ކޮވިޑް -19 އަށް ޕޮޒިޓިވް ވެފައިވާއިރު ވައިރަސްގެ ސަބަބުން މަރުވި މީހުންގެ ޖުމްލަ އަދަދަކީ 4369 އެވެ.

ސައުދީން މިހާތަނަށް ޖުމްލަ 306004 މީހުން ބަލިން ވަނީ ރަނގަޅުވެފައެވެ. އެކްޓިވް ކޭސްގެ ގޮތުގައި 17178 ކޭސްއެއް ރިޕޯޓް ކޮށްފައިވާއިރު ނާޒުކު ހާލަތުގައި 1238 މީހަކު ތިބި ކަމަށް ހެލްތް މިނިސްޓްރީން މައުލޫމާތުދެއެވެ.